5 மாநில சட்டசபை தேர்தலில் தோல்வி:ஜனாதிபதி தேர்தலில் காங்கிரஸ் கட்சிக்கு சிக்கல்

ஜனாதிபதி பிரதீபா பாட்டீல் பதவி காலம், வருகிற ஜுலை மாதம் முடிவடைகிறது. இந்நிலையில், புதிய ஜனாதிபதியை தேர்ந்தெடுக்க ஜுலை மாதம் தேர்தல் நடைபெற உள்ளது.

பொதுவாக, மத்தியில் இருக்கும் ஆளுங்கட்சி நிறுத்தும் வேட்பாளர், ஜனாதிபதி தேர்தலில் எளிதாக வெற்றி பெற்று விடுவார். ஆனால், 5 மாநில சட்டசபை தேர்தல்களில் ஏற்பட்ட தோல்வியின் காரணமாக, ஜனாதிபதி தேர்தலில் தனக்கு விருப்பமான வேட்பாளரை வெற்றி பெற வைக்க முடியாத சூழ்நிலையில் காங்கிரஸ் கட்சி உள்ளது.