பட முன்னோட்டம் : 3

தனுஷ், ஸ்ருதிஹாசன் நடிப்பில் வெளிவர இருக்கும் படம் ' 3 '. ஐஸ்வர்யா தனுஷ் இயக்க, அனிருத் இசையமைத்து  இருக்கிறார்.

பள்ளிப் பருவம், கல்லூரிப் பருவம், இளமைப்பருவம் என மூன்று பருவங்களில் காதலையும் இப்படத்தில் காட்டி இருக்கிறார்கள். அதனாலேயே படத்திற்கு பெயர் ' 3 '.

இப்படம் தொடங்கப்பட்டதில் இருந்தே படத்தினை பற்றிய செய்திகள் பத்திரிகைகளையும் இணையதளங்களையும் ஆட்கொண்டு இருக்கிறது. படப்பிடிப்பு தொடங்க பேச்சுவார்த்தை நடைபெற்றபோது நாயகியாக இருந்தவர் ஸ்ருதிஹாசன், ஆனால் படக்குழுவினர் பத்திரிகையாளர்களை சந்தித்த போது நாயகியாக சந்தித்தவர் அமலா பால். ஆனால், படப்பிடிப்பு தொடங்கிய போது நாயகியாக நடித்தவர் ஸ்ருதிஹாசன்.

படப்பிடிப்பு பற்றி பல்வேறு தகவல்களை படக்குழு தங்களது டிவிட்டர் இணையங்களில் பகிர்ந்து கொண்டு வந்தார்கள். ஆனால் இணையத்தில் எப்போது 'WHY THIS KOLAVERI' என்ற பாடல் வெளியானதோ அன்று முதல் இன்று வரை இளைஞர்கள் மத்தியில் 3 பாடல்கள் பலத்த வரவேற்பை பெற்றுள்ளன.

முதலாவதாக WHY THIS KOLAVERI பாடலின் SINGLE TRACK வெளியிட்டார்கள். இணையத்தில் அப்பாடல் உருவான விதம் வீடியோ பதிவு YOUTUBE இணையத்தில் GOLDEN AWARD வென்றது. அப்பாடல் இந்தியாவில்  மட்டுமல்லாது உலகம் முழுவதும் பிரபலமானது. இந்த பிரபலத்தால், இந்திய பிரதமர் அளித்த விருந்தில் கலந்து கொண்டார் தனுஷ்.

பல்வேறு ஊர்களுக்கு சென்று FLASH MOBல் கலந்து கொண்டார் தனுஷ். அதற்கு காரணம் அனைத்துமே 3 படத்தின் பாடல்கள் தான். 'WHY THIS KOLAVERI', 'கண்ணழகா','போ நீ போ' போன்ற பாடல்கள் தமிழக இளைஞர்களின் மொபைலின் CALLER TUNE ஆக வைத்து இருப்பது இப்படத்தின் பாடல்கள் வெற்றிக்கு ஒரு சான்று.

பாடல்களின் பிரமாண்டமான வெற்றியால் படத்தை ஒரே சமயத்தில் தமிழ், தெலுங்கு, இந்தி என 3 மொழிகளிலும் வெளியிட தீர்மானித்து இருக்கிறார்கள்.

'எந்திரன்', 'நண்பன்' உள்ளிட்ட படங்களுக்கு SOUND ENGINEER ஆக பணியாற்றி ஆஸ்கர் விருதினை வென்ற ரசூல் பூக்குட்டி இப்படத்தில்  பணியாற்றி இருக்கிறார். மேலும் இப்படத்தினை பற்றி தனது டிவிட்டர் இணையத்தில் " தனுஷ், ஸ்ருதிஹாசன் இப்படத்தில் நடிக்கவில்லை, வாழ்த்து இருக்கிறார்கள். படம் அவ்வளவு எதார்த்தமாக இருக்கிறது " என்று தெரிவித்து இருப்பது இப்படத்திற்கு பலம்.

படத்தின் விநியோக உரிமையை கைப்பற்ற கடும் போட்டி நிலவி வருவது குறிப்பிடத்தக்கது.