சங்கரன்கோவில் தொகுதியில் 75 சதவீதம் வாக்குப்பதிவு

சங்கரன்கோவில் தொகுதியில் உள்ள அனைத்து வாக்குச்சாவடிகளிலும் சரியாக காலை 8 மணிக்கு வாக்குப்பதிவு தொடங்கியது. வாக்காளர்கள் மிகவும் ஆர்வமாக வந்து ஓட்டுபோட்டதால், வாக்குப்பதிவு விறுவிறுப்பாக நடந்தது.

வாக்காளர்கள் நீண்ட வரிசையில் வெகுநேரம் காத்து நின்று ஓட்டு போட்டனர். சங்கரன்கோவில் தொகுதியில் 75 சதவீதமும் வாக்குகள் பதிவாகியுள்ளது.

சங்கரன்கோவில் இடைத்தேர்தலில் பெண்களும், புதுவாக்காளர்களும் ஆர்வத்துடன் வாக்களித்தனர். தேர்தல் கமிஷனின் கடுமையான பாதுகாப்பு காரணமாக சுதந்திரமாக வந்து வாக்களிக்க முடிந்தது என வாக்காளர்கள் கூறினர்.