பாகிஸ்தான் உளவுத் துறைக்கு புதிய தலைவர் நியமனம் செய்யப்பட்டுள்ளார். பாகிஸ்தானின் உளவுத் துறையான ஐ.எஸ்.ஐ. நிறுவனத்தின் தலைவராக லெப்டினென்ட் ஜெனரல் அகமது சுஜா பாஷா இருந்து வருகிறார். இவரது பதவிக் காலம் வருகிற 18-ந்தேதியுடன் முடிவடைகிறது. அவரைத் தொடர்ந்து லெப்டினென்ட் ஜெனரல் ஷாகீருல் இஸ்லாம் என்பவர் உளவுத் துறையின் புதிய தலைவராக நியமிக்கப்பட்டுள்ளார்.
58 வயதான இஸ்லாம் தற்போது கராச்சியில் ராணுவ கமாண்டராக பணி புரிகிறார். பாகிஸ்தானில் உள்ள பஞ்சாப் மாகாணத்தை சேர்ந்த இவர் ராணுவ குடும்பத்தை சேர்ந்தவர். கடந்த ஆண்டு கராச்சியில் நடந்த மிகப்பெரிய கலவரத்தை முடிவுக்கு கொண்டு வந்த பெருமை இவரையே சேரும். இவர் பாலிவுட்டின் பிரபல நடிகர் ஷாருக் கானின் உறவினர் என்பது கூடுதல் தகவல்.
ஷாருக் கானுடைய தாய் வழி தாத்தா ஷா நவாஸ் கான். இவர் சுபாஷ் சந்திர போஸ்சின் இந்திய தேசிய இராணுவத்தில் இருந்தார். தற்போது பாக். உளவுத்துறை தலைவராக தேர்வு செய்யப்பட்டுள்ள இஸ்லாம் ஷா நவாஸ்சின் நெருங்கிய உறவினர் என்று கூறப்படுகிறது.
No comments:
Post a Comment