Sunday, November 2, 2014

கொச்சியில் நடக்கும் முத்த போராட்ட ட்ரைலர் (வீடியோ)

முத்த போராட்டம் நடத்தும் சுதந்திர சிந்தனையாளர்கள் அமைப்பு கலந்து கொண்ட டிவி நிகழ்ச்சியில் ஜோடி ஒன்று முத்தம் கொடுத்தது பரபரப்பை ஏற்படுத்தியுள்ளது.

கேரள மாநிலம் கோழிக்கோட்டில் உள்ள காபி கடை ஒன்றில் ஆண்களும், பெண்களும் கூடி அநாகரீக செயல்களில் ஈடுபடுவதாகக் கூறி பாஜகவின் இளைஞர் அணியினர் கடந்த வாரம் அந்த கடையை தாக்கினர். இதை கண்டித்து சுதந்திர சிந்தனையாளர்கள் என்ற ஃபேஸ்புக் ஆர்வலர்கள் அமைப்பு கொச்சி மரைன் டிரைவில் இன்று காதல் முத்தம் என்ற முத்தமிடும் போராட்டத்தை நடத்துகிறது.

முத்தப் போராட்ட 'ட்ரெய்லர்': டிவி நிகழ்ச்சியில் இருக்கி அணைச்சு உம்மா கொடுத்த ஜோடி

இந்நிலையில் சுதந்திர சிந்தனையாளர்கள் அமைப்பும், பாஜக இளைஞர் அணியும் மலையாள தொலைக்காட்சி நிகழ்ச்சியில் கலந்து கொண்டு விவாதம் நடத்தினர். அப்போது நிகழ்ச்சி தொகுப்பாளர் சுதந்திர சிந்தனையாளர்கள் அமைப்பைச் சேர்ந்த தம்பதி ராகுல் பசுபாலன், ரஷ்மியை அனைவர் முன்பும் முத்தமிடுமாறு கூறினார். அவர்களும் உடனே கட்டியணைத்து முத்தமிட்டனர்.

இதை பார்த்த பாஜக இளைஞர் அணியினர் கோபம் அடைந்தனர். இன்று நடக்கும் காதல் முத்த போராட்டத்தில் இளம் ஜோடிகள் கலந்து கொண்டு முத்தமிடுமாறு அந்த அமைப்பு வேண்டுகோள் விடுத்துள்ளது.


இந்த முத்த போராட்டத்திற்கு சமூக வலைதளங்களில் ஏராளமானோர் ஆதரவு தெரிவித்துள்ளனர். மேலும் காங்கிரஸைச் சேர்ந்த இளம் உறுப்பினர்கள் மற்றும் கேரள மார்க்சிஸ்ட் கம்யூனிஸ்ட் கட்சியினரும் ஆதரவு தெரிவித்துள்ளனர்.

No comments:

Post a Comment