இந்திய கிரிக்கெட் அணியின் முன்னாள் கேப்டனும், அணியின் சுவர் என்றும் அழைக்கப்பட்ட ராகுல் திராவிட், சர்வதேச கிரிக்கெட்டில் இருந்து ஓய்வு பெறப்போவதாக தகவல்கள் கிடைத்துள்ளன.
இதுகுறித்து நாளை பத்திரிகையாளர் சந்திப்பிற்கு ராகுல் திராவிட் ஏற்பாடு செய்துள்ளார். பெங்களூரில் நடைபெற இருக்கும் இந்த சந்திப்பில் பிசிசிஐ தலைவர் சீனிவாசனும் கலந்து கொள்ள உள்ளார்.
நாளைய சந்திப்பில் சர்வதேச கிரிக்கெட்டிலிருந்து தனது ஓய்வு முடிவை அறிவிப்பார் எனத் தெரிகிறது. ஏற்கனவே சர்வதேச ஒரு நாள் மற்றும் 20 ஓவர் போட்டிகளில் இருந்து விலகி விட்ட ராகுல் திராவிட், கடைசியாக ஆஸ்திரேலியாவிற்கு எதிராக நடந்த டெஸ்ட் தொடரிலும் சிறப்பாக விளையாடததால் இந்த முடிவை எடுத்திருப்பார் என்று தெரிகிறது.
டெஸ்ட் போட்டிகளில் ராகுல் திராவிட் இதுவரை 13,288 ரன்கள் எடுத்துள்ளார். மேலும், டெஸ்ட் போட்டிகளில் அதிக கேட்சுகள் (210) பிடித்த முதல் வீரர் என்ற சாதனையையும் தன் வசம் வைத்துள்ளார்.
சர்வதேச போட்டிகளிலிருந்து விலகினாலும் இந்தியாவில் நடைபெறும் ஐபிஎல் போட்டிகளில் விளையாடுவார் எனத் தெரிகிறது.

No comments:
Post a Comment