விஷால் கதாநாயகனாக நடிக்கும் புதிய படத்தை சுந்தர் .சி இயக்குகிறார். பட வேலைகள் விறுவிறுப்பாக நடக்கிறது. விஷால் ஜோடியாக நடிக்க ஸ்ருதியிடம் பேச்சு வார்த்தை நடந்ததாகவும் அவர் மறுத்து விட்டதாகவும் செய்திகள் வெளியாயின. ஸ்ருதி ஏற்கனவே சூர்யா ஜோடியாக `7 ஆம் அறிவு' படத்தில் நடித்துள்ளார்.
தனுஷ் ஜோடியாக `3' படத்தில் நடித்து வருகிறார். `கப்பார் சிங்' என்ற தெலுங்கு படத்திலும் நடிக்கிறார். விஷாலுடன் நடிக்க ஸ்ருதி மறுத்ததாக வெளியான செய்தி குறித்து இயக்குனர் சுந்தர் .சி-யிடம் கேட்டபோது, அவர் கூறியதாவது:-
விஷால் ஜோடியாக ஸ்ருதியை நடிக்க வைக்க நாங்கள் முடிவு செய்யவில்லை. அவரிடம் போய் பேச்சுவார்த்தையும் நடத்தவில்லை. விஷாலுடன் ஸ்ருதி நடிப்பார் என்று தவறான செய்தி வெளியாகி உள்ளது. இப்படத்தில் விஷால் மூன்று வேடங்களில் நடிக்கிறார். கதாநாயகி ஒருவர் தான் நடிக்கிறார். சில நடிகைகளிடம் கதாநாயகி கேரக்டருக்கு பேசி வருகிறோம். விரைவில் நாயகி யார்? என்பது முடிவு செய்யப்பட்டு விடும்.
இவ்வாறு அவர் கூறினார்.
விஷால் ஜோடியாக நடிக்க ஹன்சிகாவிடம் பேசி வருவதாக தகவல் வெளியாகி உள்ளது.
எப்போதும் சினிமாவா,சில நல்ல செய்திகளுக்கும் இடம் கொடுக்கலாமே.
ReplyDelete