அசினும் தீராத காதலும்...சல்மான் இடத்தில் ஷாருக்

ஷாரூக்குடன் படம் எடுத்துக் கொண்ட அசின் நேற்று வரை சல்லுவுடன் (சல்மான்கான்) இணைத்துக் கிசுகிசுக்கப்பட்ட அசின் அடுத்து ஷாரூக்கானுடன் கிசுகிசுக்கப்படுவார் என்பதுதான் பாலிவுட்டில் லேட்டஸ்ட் நிலவரம்.

இப்படியொரு செய்தி எழக் காரணமும் அசின்தான். கடந்த வாரம் மும்பையில் நடைபெற்ற நடிகை ஜெனிலியா திருமணத்திற்கு சென்றிருந்த அசின், அங்கு ஒருநிமிடம் கூட சும்மா இருக்கவில்லை. கண்களை அங்குமிங்குமாக துழாவவிட்ட எந்தெந்த பிரபலங்கள் வருகிறார்கள் என்று நோட்ட மிட்டபடியே இருந்தாராம்.

பெரிய டைரக்டர்கள், தயாரிப்பாளர்கள் கண்ணில்பட்டால் போதும், உடனே ஓடிச்சென்று அவர்களுடன் கைகுலுக்கி வாழ்த்து தெரிவித்துள்ளார். திருமணத்திற்கு வந்தவர்கள் எல்லாம் இவர் மணமகன் அல்லது மணமகளுக்கு சொந்தக்காரரா என்று கேட்கும் அளவிற்கு அங்கு வலம் வந்துள்ளார்.

எல்லாவற்றுக்கும் சிகரமாக நடிகர் ஷாரூக்கான் வந்தபோது, அசினின் கால் தரையிலேயே பதியவில்லை என்கிறார்கள் நேரில் கண்டவர்கள். ஷாரூக்கிடம் ஓடோடிச் சென்றவர், அவரது கையை தானே இழுத்து வைத்து கைகுலுக்கியதுடன், ஒரு சராசரி ரகிகையைப் போல், "உங்களுடன் புகைப்படம் எடுத்துக் கொள்ள ஆசை" என்றாராம்.

இதை எதிர்பார்க்காவிட்டாலும், சிரித்துக் கொண்டே, "ஒ.கே.." என்று போஸ் கொடுத்துள்ளார் ஷாரூக். இதன் பிறகும் விடாமல் சில வார்த்தைகள் பேசிவிட்டுதான் இடத்தை காலி செய்திருக்கிறார் அசின்.

விஷயம் சல்லுக்கு தெரிந்தால் என்னாகுமோ?