ரானா விலக சிம்பு காரணமா?!

தெலுங்கு நடிகர் ரானா டகுபதி சமீபமாக கோலிவுட்டில் அடிக்‌கடி பேசப்பட்டு வருகிறார். ஒன்று அவருக்கும் நடிகை த்ரிஷாவுக்கும் இருக்கும் நெருக்கம்.. பழக்கம்! மற்றொன்று வெற்றிமாறன் இயக்கும் வட சென்னையில் இருந்து அவர் ஜகா வாங்கியிருப்பது!

வெற்றிமாறன் இயக்கத்தில் நடிகர் சிம்பு ஹீரோவாக நடிக்க விரைவில் படப்பிடிப்பு காண இருக்கும் திரைப்படம் வடசென்னை. இந்த படத்திற்காக வெற்றிமாறன் தெலுங்கு ரானா டகுபதியை ஒப்பந்தம் செய்திருந்தார்.

சிம்புவின் வெளிநாட்டு பயணம், பெப்சி ஸ்டிரைக் உள்ளிட்ட பல்வேறு காரணங்களால் இன்னும் படப்பிடிப்பு ஆரம்பிக்காத நிலையில் இருக்கும் வடசென்னையில் இருந்து சப்பை காரணம் கூறி விலகியிருக்கிறார் ரானா. வெற்றிமாறனும் கால்ஷீட் தான் காரணம் என்று கூற விவரமறிந்த வட்டாரமோ வேறு காரணங்களை கூறுகிறது.

சிம்புவுடன் நடிப்பதில் சிலபல வம்பு இருக்கும் என ரானா நினைத்ததாலும், மேலும் அவருடன் இப்போது மிகமிக நெருக்கமாக இருக்கும் நடிகை த்ரிஷாவும் அதே காரணத்தை சொல்லியிருப்பதாலும் தான் ரானா ஜகா வாங்கிவிட்டார் என்ககிறது கோலிவுட் பட்சி!!