சில நொடிகளில் பேஸ்புக், ட்விட்டரில் உலக அளவில் ட்ரெண்டான ரஜினி, லிங்கா!!

ரஜினியைத் தவிர இந்தியாவைச் சேர்ந்த வேறு எந்த பிரபலத்துக்கும் உலக அளவில் இத்தனை பெரிய புகழும், வரவேற்பும் கிடைத்திருக்குமா தெரியவில்லை.

லிங்கா டீசர் வெளியான சில நொடிகளில் பேஸ்புக் மற்றும் ட்விட்டரில் சர்வதேச அளவில் ட்ரெண்டாக மாறிவிட்டது லிங்கா.

லட்சக்கணக்கான அவரது ரசிகர்கள், சினிமா ஆர்வலர்கள் அவரது லிங்கா டீசரை சமூக வலைத் தளங்களில் ஷேர் செய்ய, அது உலக ட்ரெண்டாகிவிட்டது.

படத்தின் முதல் டீசர் (நவம்பர் 1) இன்று மாலை 4 மணிக்கு சரியாக வெளியானது. இதற்காக காலையிலிருந்தே பல லட்சம் ரசிகர்கள் தவம் கிடந்தனர். டீசர் வெளியானதும் அனைத்து ரசிகர்களும் ஷேர் செய்ய துவங்கிவிட்டனர்.

இந்தப் படத்தில் ரஜினியின் ஸ்டைலும் அழகும் கம்பீரமும் ரசிகர்களே எதிர்ப்பாராத ஒன்று. பிரம்மாண்ட அரங்க காட்சிகள், அனுஷ்கா, சோனாக்‌ஷி சின்ஹாவின் ஷாட்கள் என டீஸர் சமூக வலைத்தளங்களில் வைரலாக பரவி வருகிறது.

 வெளியான சில மணித் துளிகளில் ட்விட்டர், கூகுள். பேஸ்புக் உள்ளிட்ட தளங்களில் டிரெண்டாகியுள்ளது. இந்தியா மட்டும் அல்லாமல் உலக நாடுகளிலும் தற்போது #lingaa, #Rajini என்ற வார்த்தைகள் ஹாட் டிரெண்டாகி விட்டது.

இந்த டீசருக்குக் கிடைத்துள்ள வரவேற்பும் வெற்றியும், லிங்காவுக்கு சர்வதேச அளவில் இதுவரை எந்த இந்தியப் படத்துக்கும் கிடைக்காத வரவேற்பை உறுதி செய்வதாக உள்ளது.