மலையாளத்தில் 'மாமனாராகும்' பாக்யராஜ்!

தமிழ் சினிமாவின் சாதனை இயக்குநர்களில் ஒருவரான கே பாக்யராஜ், முதல் முதலாக மலையாளப் படம் ஒன்றில் நடிக்கப்போகிறார்.

பாக்யராஜ் படங்கள் கேரளாவில் ரொம்ப பாப்புலர். அந்தப் பாப்புலாரிட்டியின் விளைவுதான், மலையாள இயக்குநர் பாலச்சந்திர மேனனுக்கு மலையாள பாக்யராஜ் என்று பெயர் சூட்ட வைத்தது.

தமிழில் பாக்யராஜ் படுபிஸியாக இருந்த காலத்தில் அவருக்கு நிறைய மலையாளப் பட வாய்ப்புகள் வந்தன. ஆனால் அப்போது அவர் எதையும் ஏற்கவில்லை. இப்போது அவருக்கு நடிக்க ஒரு வாய்ப்பு வந்துள்ளது.

திலீப் ஹீரோவாக நடிக்கும் மிஸ்டர் மருமகன் என்ற படத்தில் மாமனார் வேடத்தில் நடிக்க ஒப்பந்தமாகியுள்ளாராம் பாக்யராஜ்.

சந்தியா மோகன் இயக்கும் இந்தப் படத்தில் பாக்யராஜுக்கு ஜோடியாக நடிக்கிறார் ரோஜா.