ரசிகர்களுக்கு அஜீத் எச்சரிக்கை

தேவையில்லாத செயல்களில் ஈடுபட்டால் ரசிகர் மன்றத்தையே கலைத்து விடுவேன், என்று தமது ரசிகர்களுக்கு எச்சரிக்கை விடுத்துள்ளார் நடிகர் அஜீத். 

அதிகமான ரசிகர் பட்டாளங்களை வைத்திருக்கும் நடிகர்களில் அஜீத்தும் ஒருவர். ரசிகர்கள் இவருடைய படத்திற்கு கொடுக்கும் ஓபனிங், வேறு எந்‌தவொரு நடிகருக்கும் கொடுக்க முடியாது. அந்தளவிற்கு அஜீத் மீது ரசிகர்கள் வெறியாக இருப்பார்கள். தற்போது டைரக்டர் வெங்கட்பிரபு இயக்கத்தில், அஜீத் மங்காத்தா படத்தில் நடித்து வருகிறார். இப்படம் மே-1ம் தேதி, அஜீத் பிறந்தநாள் அன்று திரைக்கு வருகிறது. இதனால் அவரது ரசிகர்கள் ஏக குஷியில் உள்ளனர். 

இந்நிலையில் தமது ரசிகர்களுக்கு அஜித் எச்சரிக்கை விடுத்துள்ளார். அதில் ரசிகர்கள் மீது எனக்கு எப்போதும் அதிகளவு அன்பும், பாசமும் உள்ளது. ஆனால் ரசிகர்கள் சிலர், ரசிகர் தலைமை மன்றத்திடம் முறையான அனுமதியின்றி தேவையில்லாத காரியங்களில் ஈடுபட்டு வருகின்றனர். இத்தகைய செயல்கள் எனக்கு சுத்தமாக பிடிக்கவில்லை. தொடர்ந்து இதுபோன்ற காரியங்களில் ரசிகர்கள் ஈடுபட்டால், ரசிகர் மன்றத்தையே கலைத்து விடுவேன். அந்தளவுக்கு என்னை போகாதவாறு ரசிகர்கள் நடந்து கொள்ள வேண்டும் என்று கேட்டு கொண்டுள்ளார். 

அஜீத்தின் இந்த ஸ்டேட்மென்ட்டால், அவரது ரசிகர்கள் அப்செட் ஆகியுள்ளனர்.