ஸ்ருதிஹாசனின் புதிய ஜோடி

கமல்ஹாசனின் மகளான ஸ்ருதிஹாசன், பிரபல பாலிவுட் நடிகர் அபிஷேக் பச்சனுடன் ஜோடி சேர்கிறார்.

பா போன்ற வெற்றி படங்களை இயக்கிய பிரபல பாலிவுட் இயக்குநர் பால்கி அடுத்து ஒரு புதிய படம் ஒன்றை இயக்கவுள்ளார். சுமார் 10கோடி ரூபாய் பட்ஜெட்டில் இந்த படத்தை தயாரிக்க திட்டமிட்டுள்ளார். இன்னும் பெயர் இடப்படாத இப்படத்தின் நாயகன், நாயகியாக அபிஷேக் பச்சனும், ஸ்ருதிஹாசனும் நடிக்கின்றனர். முதலில் அமிதாப்பை வைத்து படம் இயக்க திட்டமிட்டுருந்தார் பால்கி. ஆனால் பா படத்தில் அபிஷேக்கின் நடிப்பை பார்த்து வியந்து போன பால்கி அவரையே தன்னுடைய அடுத்த படத்தின் கதாநாயகனாக்க முடிவு செய்துள்ளார். இப்படத்தை ஏ.பி.சி.எல் நிறுவனத்தின் சார்பில் அபிஷேக் பச்சனே தயாரிக்க இருப்பதாகவும் கூறப்படுகிறது