Sunday, February 8, 2015

தெலுங்கு டைரக்டருடன் சிம்புவின் நாயகி காதல்

தமிழில் காதல் அழிவதில்லை, ஆஹா எத்தனை அழகு, காதல் கிசுகிசு, லாடம் உள்ளிட்ட படங்களில் சார்மி நடித்துள்ளார். தற்போது விக்ரமுடன் ‘10 என்றதுக்குள்ள’ படத்தில் நடிக்கிறார். தெலுங்கிலும் முன்னணி நடிகையாக இருக்கிறார். 

சார்மிக்கும் டைரக்டர் பூரிஜெகன்னாத்துக்கும் காதல் மலர்ந்துள்ளதாகவும் இருவரும் விரைவில் திருமணம் செய்து கொள்ள திட்டமிட்டுள்ளதாகவும் செய்தி பரவி உள்ளது. தெலுங்கில் பிரபல நடிகர்கள் படங்களை பூரிஜெகன்னாத் இயக்கியுள்ளார். விரைவில் சார்மியை கதாநாயகியாக வைத்தும் படம் இயக்க உள்ளார். இந்த நிலையில்தான் காதல் கிசுகிசு பரவி உள்ளது. இருவரும் தனிமையில் சந்திப்பதாகவும் ஓட்டல்களில் ஜோடியாக உட்கார்ந்து சாப்பிடுவதாகவும் கூறப்படுகிறது.

இதுகுறித்து பூரிஜெகன்னாத்திடம் கேட்டபோது, மறுத்தார். எனக்கு சார்மியை நன்றாக தெரியும். என்னுடைய அடுத்த படத்தில் அவர் நடிக்கிறார். எங்களுக்குள் காதல் என்று செய்தி வெளியாகி இருப்பது ஆச்சரியப்படுத்தி உள்ளது சார்மியும் நானும் நண்பர்களாகத்தான் பழகுகிறோம். கதை பற்றி மட்டுமே விவாதிக்கிறோம். வேறு எதுவும் எங்களுக்குள் இல்லை என்றார். அவர் மறுப்பு சொன்னாலும் காதலிப்பது நிஜம்தான் என்று தெலுங்கு பட உலகினர் கிசுகிசுக்கின்றனர்.


No comments:

Post a Comment