அடுத்து தனுஷை இயக்கும் கௌதம்

ஆம், கௌதம் இயக்கத்தில் தனுஷ் நடிக்கிறார். ஆனால் அது சினிமா அல்ல, விளம்பரம்.
இந்தியில் நடிக்க ஆரம்பித்தபின் அதிக விளம்பரங்கள் தனுஷை தேடி வருகின்றன. விளம்பர விஷயத்தில் அவர் இந்தி நடிகர்களைப் போலவே நடந்து கொள்கிறார். எதையும் விடுவதில்லை.

தனுஷ் நடித்த சென்டர் ஃப்ரெஷ் விளம்பரத்தை இயக்குனர் வெங்கட்பிரபு இயக்கியிருந்தார். அதையடுத்து 7 அப் விளம்பரத்தில் தனுஷ் நடிக்க உள்ளார்.

இந்த விளம்பரத்தை எடுக்கப் போகிறவர் கௌதம். இவர்கள் - சினிமாவோ, விளம்பரமோ - ஒன்றாக இணைந்து பணிபுரிவது இதுவே முதல்முறை. இந்த கூட்டணி சினிமாவிலும் தொடருமா? 

காலம் பதிலளிக்க வேண்டிய கேள்வி.