குடிபோதையில் மனைவிக்கு டார்ச்சர்! பிரபல நடிகர் கைது!!

தினமும் குடித்துவிட்டு வந்து டார்ச்சர் செய்வதாக பிரபல நடிகர் சிவா மீது அவரது மனைவி போலீசில் புகார் செய்தார். இதையடுத்து அவரை போலீசார் கைது செய்தனர். ஈரமான ரோஜாவே படம் மூலம் தமிழ் சினிமாவுக்கு அறிமுகமானவர் நடிகர் சிவா (43). முதல் சீதனம் , பூவே உனக்காக உள்ளிட்ட பல படங்களிலும், சின்னத்திரை சீரியல்களிலும் நடித்துள்ளார். சென்னை சாலிகிராமம் பங்கஜம் கார்டனில் வசித்து வரும் இவருக்கு மீனாட்சி (37) என்ற மனைவியும், 2 மகன்களும் உள்ளனர். குடிபோதைக்கு அடிமையாகிவிட்ட சிவா, தினமும் குடித்து விட்டு வந்து மனைவி மீனாட்சியை கொடுமைப் படுத்துவாராம். சிவா தாக்கியதில் மீனாட்சிக்கு உடல் முழுவதும் தழும்புகள் ஏற்பட்டிருக்கிறது. பொறுத்து பொறுத்து பார்த்த மீனாட்சி, நேற்று பொறுமையிழந்து ‌போலீஸ் நிலையத்தில் புகார் செய்தார். 

கணவர் சிவா தினமும் குடித்து விட்டு வந்து டார்ச்சர் செய்வதாக வடபழனி மகளிர் போலீஸ் ஸ்டேஷனில் புகார் அளித்தார். புகாரை பெற்றுக் கொண்ட போலீசார் பெண்கள் வன்கொடுமை சட்டத்தின் கீழ் வழக்கு பதிந்து விசாரணைக்காக நடிகர் சிவாவை போலீஸ் நிலையத்திற்கு அழைத்து வந்தனர். ஆனால் சிவா, போலீஸ் நிலையத்தில் ரகளையில் ஈடுபட்டுள்ளார். இதையடுத்து அவரை போலீசார் கைது செய்து விசாரணை நடத்தி வருகிறார்கள்.