குழப்பத்தில் அனுஷ்கா...

டைரக்டர் மிஷ்கின் தன்னுடைய அடுத்த படத்திற்கான நாயகியை தேடிவருகிறார். அந்த தேடலில் மிஷ்கினின் பார்வை இப்போது அனுஷ்கா பக்கம் திரும்பியுள்ளது. 

அருந்ததீ படத்தின் மூலம் பிரபலமான நடிகை அனுஷ்கா, தமிழ் மற்றும் தெலுங்கில் முன்னணியாக நடிகையாக வலம் வந்து கொண்டிருக்கிறார். தமிழில் சிம்புவுடன் வானம் படத்திலும், விக்ரமுடன் தெய்வ மகன் படத்திலும் நடித்து வருகிறார் அனுஷ்கா. இதுதவிர கமலின் அடுத்த படமான தலைவன் இருக்கிறான் படத்தில் அனுஷ்கா ஒப்பந்தமாகி இருக்கிறார் என்ற தகவல் வெளியாகியுள்ளது.

இந்நிலையில் டைரக்டர் மிஷ்கின் தன்னுடைய அடுத்த படத்திற்கான வேலையை ஆரம்பித்துவிட்டார். தற்போது இந்தபடத்திற்கான நாயகியை தேடி வருகிறார். அந்த தேடல் இப்போது அனுஷ்கா பக்கம் திரும்பியுள்ளது. தன்னுடைய படத்தில் நடிக்க வைப்பதற்காக டைரக்டர் மிஷ்கினும், பிரபல நடிகர் ஒருவரும், அனுஷ்காவை நாடியுள்ளனர். மிஷ்கின் படத்தில் நடிக்கலாமா, வேண்டாமா என்ற குழப்பத்தில் இருக்கிறார் அனுஷ்கா.