நடிகர் முரளி மகள் திருமணம்!

நடிகர் முரளியின் மகள் காவ்யா திருமணம் வருகிற 14ம்தேதி நடைபெறுகிறது. முரளி மறைவுக்கு முன்பு தனது மகள் காவ்யாவுக்கு மாப்பிள்ளை பார்த்திருந்தார். காவ்யா எம்பிபிஎஸ் டாக்டர் ஆவார். அவருக்கு முரளி பார்த்திருந்த மாப்பிள்ளை ஆதித்யா மலேசியாவில் சாப்ட்வேர் என்ஜினீயராக பணியாற்றி வருகிறார். நிச்சயம் செய்தி திருமணம் நடப்பதற்குள்ளாகவே முரளி கடந்த செப்டம்பர் மாதம் 8ம்தேதி காலமானார்.

இந்நிலையில் முரளி நிச்சயித்த மாப்பிள்ளைக்கே அவரது மகள் காவ்யாவை மணமுடித்துக் கொடுக்க முரளியின் மனைவி ஷோபா, மகன் நடிகர் அதர்வா மற்றும் உறவினர்கள் முடிவு செய்தனர். அதன்படி வருகிற 14ம்தேதி சென்னை வானகரத்தில் உள்ள ஸ்ரீவாரு மண்டபத்தில் காவ்யா - ஆதித்யா திருமணம் நடக்கிறது. அதைத் தொடர்ந்து வரவேற்பு நிகழ்ச்சி அன்று மாலை 6 மணிக்கு நடைபெற உள்ளது.