நான் நடிக்கும் போதே தி.மு.க.வுக்கு பயப்படவில்லை:விஜயகாந்த்

திருவாரூர் மாவட்டம் திருத்துறைப்பூண்டி தொகுதி இந்திய கம்யூனிஸ்டு கட்சி வேட்பாளர் உலகநாதனை ஆதரித்து திருத்துறைப்பூண்டியிலும், நாகை மாவட்டம் நாகூரில் நாகை அ.தி.மு.க. வேட்பாளர் ஜெயபால், கீழ்வேளூர் மார்க்சிஸ்ட் கம்யூனிஸ்டு கட்சி வேட்பாளர் மகாலிங்கம் ஆகியோரை ஆதரித்தும் தே.மு.தி.க. தலைவர் விஜயகாந்த் பேசினார்.

 அப்போது அவர்,    ‘’அ.தி.மு.க. ஆட்சிக்கு வந்தால் கேபிள் டி.வி அரசுடைமையாக்கப்படும் என அ.தி.மு.க. பொது செயலாளர் ஜெயலலிதா அறிவித்தார்.

இதனால் தங்கள் வருமானம் போய் விடும் என்று என பயந்து கூட்டணியில் குழப்பத்தை விளைவிக்கும் வகையில் என்னைப்பற்றி தவறாக பிரச்சாரம் செய்கிறார்கள். அதைப்பற்றி நான் கவலைப்பட மாட்டேன்.

அ.தி.மு.க. வெற்றி பெற்று ஆட்சியை பிடிக்கும். உங்கள் தேவைகளை அ.தி.மு.க. பொதுச்செயலாளர் ஜெயலலிதா நிச்சயம் நிறைவேற்றி தருவார்.

சோனியாகாந்தி இது சாதனைக்கு கிடைத்த வெற்றி என்று கூறி உள்ளார்.

இது சாதனைக்கு அல்ல சோதனைக்கு, வேதனைக்கு கிடைத்த வெற்றி. மீனவர்களை ஏன் இலங்கை கடற்படைகொல்கிறது என்பதை தட்டி கேளுங்கள் என்றால் கேட்டாரா? தமிழக, மத்திய அரசின் ரோந்து படை என்ன செய்கிறது.

இந்த தேர்தலில் எனக்கு கெட்டபெயர் ஏற்படுத்த சதி செய்கிறார்கள். என்னைப்பற்றி தப்பு, தப்பாக பிரசாரம் செய்கிறார்கள். நடிகர், நடிகைகளை மிரட்டி அழைத்து வந்து பேசவைக்கிறார்கள். அவர்களுக்கு பதில் சொல்ல வேண்டிய அவசியம் இல்லை. எது முக்கியம் என்று எனக்கு தெரியும். எனக்கு கூட்டம் வருவதை அவர்களால் பொருத்துக் கொள்ள முடியவில்லை.

நான் தனித்து போட்டியிட்டால் அவர்களுக்கு சந்தோசம்தான். அ.தி.மு.க.வுடன் கூட்டணி வைத்ததால்தான் அவர்கள் திண்டாடி வருகிறார்கள். நான் யாருக்கும் பயப்படவேண்டிய அவசியம் இல்லை.

பஸ்சில் ரூ.5 கோடி, ரூ.20 லட்சம் என கடத்துகிறார்கள். இது யார் பணம்? மக்களே சிந்தியுங்கள்.

விலைவாசி உயர்வை கட்டுப்படுத்த எந்த நடவடிக்கையும் எடுக்கவில்லை. சற்று முன் என்று செய்தி போடுவது ஏமாற்று வேலை. அதை நம்பாதீர்கள். நான் நியாயம் எதுவோ அதை செய்வேன்.

மக்கள் நன்றாக இருக்க வேண்டும்.

அ.தி.மு.க. கூட்டணி தான் வெற்றி பெறும். என்னைப்பற்றி எந்த அவதூறு செய்தி வேண்டுமானாலும் பரப்பட்டும். நான் நடிக்கும் போதே தி.மு.க.வுக்கு பயப்பட வில்லை. இனி ஏன் பயப்பட போகிறேன். (ஆமா , நீங்கள் நடிக்கும் போது திமுகவிற்கு ஜால்ரா போட்டவங்க தானே ...)

 எனக்கு மடியில் கனம் இல்லை. அதனால் வழியில் பயம் இல்லை.

இனிமேல் எதிர்கட்சியினர் அ.தி.மு.க. கூட்டணியில் பிளவு ஏற்படுத்த முயற்சி செய்வார். அதற்கு இடம் கொடுக்காதீர்கள்.

வேட்பாளர் உலகநாதனுக்கு கதிர் அரிவாள் சின்னத்திலும், ஜெயபாலுக்கு இரட்டை இலை சின்னத்திலும், மகாலிங்கத்திற்கு அரிவாள்சுத்தியல் நட்சத்திரம் சின்னத்திலும் வாக்களிக்குமாறு கேட்டுக்கொள்கிறேன்’’ என்று பேசினார்.