ஜெயலலிதா-விஜயகாந்துக்கு தேர்தல் கமிஷன் நோட்டீஸ்

தேர்தல் பிரச்சாரத்தின் போது தனிப்பட்ட முறையில் யாரையும் விமர்சிக்க கூடாது என்று தேர்தல் ஆணையம் உத்தரவிட்டுள்ளது. 

இந்த நிலையில் அ.தி. மு.க. பொதுச் செயலாளர் ஜெயலலிதா, தே.மு. தி.க. தலைவர் விஜயகாந்த் ஆகியோர் தமிழக முதலமைச்சர் கருணாநிதி மற்றும் அவரது குடும்பத்தினரை பற்றி தனிப்பட்ட முறையில் விமர்சனம் செய்து வருவதாகவும் அவர்கள் மீது நடவடிக்கை எடுக்க வேண்டும் என்றும் தி.மு.க. சார்பில் தலைமை தேர்தல் அதிகாரியிடம் புகார் மனு அளிக்கப்பட்டது.

இதைத்தொடர்ந்து மாநில தேர்தல் ஆணையம் அந்த புகாரை தலைமை தேர்தல் ஆணையத்திற்கு அனுப்பியது.

இதையடுத்து மத்திய தேர்தல் கமிஷன் ஜெயலலிதா, விஜயகாந்த் ஆகியோருக்கு தேர்தல் விதியை மீறி தனிப்பட்ட நபரை விமர்சனம் செய்தது ஏன் என்று விளக்கம் கேட்டு நோட்டீசு அனுப்பி உள்ளது.

அந்த நோட்டீசில்,    ஊழல்வாதி, சினிமா துறையை சுரண்டிவிட்டார்.

தமிழகத்தை சுரண்டிவிட்டார் என தொடர்ந்து  விமர்சனம் செய்வதாக உங்கள் மீது தி.மு.க. முக்கிய நிர்வாகி பொன். முத்துராமலிங்கம் புகார் கொடுத்துள்ளார். இதற்கான விளக்கத்தை இன்று மாலை 5 மணிக்குள் அளிக்க வேண்டும்’’ என்று கூறப்பட்டுள்ளது.