அசினை இந்தி நடிகைகளுக்கு பிடிக்கவில்லை. அவரை பற்றி நிறைய வதந்திகளை கிளப்பி வருகின்றனர். சினிமா வாய்ப்புகளையும் தடுக்கின்றனர். கடைசியாக அசினுக்கு இந்தியில் “ரெடி” படம் ரிலீசானது. தற்போது ஹவுஸ்புல் 2, போல் பச்சன் என இரு படங்களை மட்டும் கைவசம் உள்ளது. தென்இந்திய மொழிகளிலும் படங்கள் இல்லை.
இந்த நிலையில் அசினுக்கு அழகு குறைந்து விட்டது என்றும், இந்தி நடிகைகள் போல் மெலிவதற்கு விசேஷ பயிற்சிகள் எடுத்து ஒல்லியாகி பழைய வசீகரத்தை இழந்து விட்டார் என்றும் இந்தி திரையுலகில் விமர்சனங்கள் கிளம்பியுள்ளன.
படங்கள் குறைந்ததால் திருமணத்துக்கு தயாராவதாகவும், தமிழகத்தில் உள்ள பிரபல வியாபாரிக்கும், அசினுக்கும் விரைவில் திருமணம் நடக்க உள்ளதாகவும் இந்திப்பட உலகினர் செய்தி பரப்பி உள்ளனர். இதனால் அசின் வேதனை அடைந்துள்ளார் வதந்திகளுக்கு பதில் அளித்து அவர் அளித்த பேட்டி வருமாறு:-
தமிழக வியாபாரியுடன் திருமணம் நிச்சயமாகி விட்டதாகவும், விரைவில் அவரை திருமணம் செய்து கொள்ளப்போவதாகவும் வதந்தி பரப்பியது வருத்தமாக இருக்கிறது. எனக்கு 26 வயதுதான் ஆகிறது. சினிமாவில் சாதிக்க நிறைய இருக்கிறது. இன்னும் 7 ஆண்டுகள் திருமணத்தை பற்றி யோசிக்கவே மாட்டேன்.
தயவு செய்து இல்லாது, பொல்லாததை சொல்லி என்னை சங்கடப்படுத்தாதீர்கள். இந்தியில் நான்தான் படங்களை குறைத்துக் கொண்டேன். நல்ல கதையம்சம் உள்ள படங்களில் மட்டும் நடித்தால் போதும் என்று நினைக்கிறேன்.
வருங் காலத்தில் முதல் இடத்தை பிடிப்பேன். தென்னிந்திய மொழி படங்களிலும் வாய்ப்புகள் வருகிறது. நல்ல கதைகள் இல்லாததால் நடிக்கவில்லை. நான் உடல் மெலிந்ததற்கு காரணம் இருக்கிறது. அதை விரைவில் அறிவிப்பேன் என்றார்.
No comments:
Post a Comment