சந்தோஷத்தில் அருள்நிதி !

பாண்டிராஜ் இயக்கிய 'வம்சம்' படத்தின் மூலம் அறிமுகமானாலும் 'மெளனகுரு' படத்தில் தனது எதார்த்தமான நடிப்பால் பலரது பாராட்டுக்களையும் பெற்றார் அருள்நிதி.

அருள்நிதி தற்போது இரட்டிப்பு சந்தோஷத்தில் இருக்கிறார். காரணம் ?

'மெளனகுரு' படத்தில் தனக்கு கிடைத்த வரவேற்பு. அதோடு சமுத்திரக்கனி அடுத்து இயக்க இருக்கும் படத்தில் நடிக்க ஒப்பந்தமாகி இருக்கிறார் அருள்நிதி.

சமுத்திரக்கனி படம் என்றாலே படத்தில் உள்ள சின்ன சின்ன பாத்திரங்களுக்கு கூட முக்கியத்துவம் அளித்து இருப்பார். 'நாடோடிகள்', 'போராளி' என இவரது படங்கள் வரவேற்பை பெற்று இருக்கிறது.

'போராளி' படத்தினை தொடர்ந்து அவர் இயக்க இருக்கும் படத்தில் அருள்நிதி முக்கிய பாத்திரத்தில் நடிக்க இருக்கிறார். வேறு யார் எல்லாம் நடிக்க இருக்கிறார்கள் என்பது இன்னும் முடிவாகவில்லை.