தனுஷ், ஸ்ருதி நடிக்கவே இல்லை !

தனுஷ் நடிப்பில் அடுத்ததாக வெளிவர இருக்கும் படம் ' 3 ' . ஐஸ்வர்யா தனுஷ் இயக்க, ஸ்ருதிஹாசன் நாயகியாக நடித்து இருக்கிறார். அனிருத் இசையமைத்து இருக்கிறார்.

ஷங்கர் இயக்கிய ' நண்பன் ' படத்திற்கு SOUND ENGINEER ஆக பணியாற்றிய ரசூல் பூக்குட்டி ' 3 ' படத்திற்கு பணியாற்ற இருக்கிறார். இதற்காக படக்குழுவினர் தங்களது மகிழ்ச்சியை வெளிப்படுத்தி இருந்தனர்.

குடியரசு தினத்தன்று மும்பை சென்ற ஐஸ்வர்யா தனுஷ் ' 3 ' படத்தினை ரசூல் பூக்குட்டிக்கு திரையிட்டு காட்டினார். படத்தினை பார்த்த ரசூல் பூக்குட்டி தனது டிவிட்டர் இணையத்தில் பாராட்டு தெரிவித்து இருக்கிறார்.

அவர் "  3 படத்தினை பார்த்தேன். படக்குழுவினர்  வேலையை எப்படி பாராட்டுவது என தெரியவில்லை. இயக்குனரின் முதல் படம் போலவே தெரியவில்லை. தனுஷ், ஸ்ருதி.. படத்தில் நீங்கள் இருவரும் நடிக்கவே இல்லை.. கதாபாத்திரமாக வாழ்ந்திருக்கிறீர்கள் " என தெரிவித்துள்ளார்.