கொலவெறிடி பாடல் ஹிட் ஆனதைத் தொடர்ந்து காசி விஸ்வநாதர் கோயிலில் சிறப்பு வழிபாடு நடத்தியிருக்கிறார் நடிகர் தனுஷ். ஐஸ்வர்யா தனுஷ் இயக்கத்தில் உருவாகும் 3 படத்தில் இடம்பெறும் கொலவெறிடி பாடலை, படத்தின் நாயகன் தனுஷ் எழுதி, பாடியிருக்கிறார். இந்த பாடல் உலகம் முழுவதும் செம ஹிட் ஆகியிருக்கிறது. பிரதமரே அழைத்து விருந்து கொடுக்கும் அளவுக்கு தனுஷின் புகழ் கொலவெறிடி பாடலால் ஓங்கியிருக்கிறது.
இந்நிலையில் நடிகர் தனுஷ் கொலவெறிடி பாடல் ஹிட் ஆனதையொட்டி, உத்தரபிரதேச மாநிலம், பனாரஸில் உள்ள காசி விஸ்வநாதர் கோவிலுக்கு சென்று சிறப்பு பூஜை செய்து வழிபட்டுள்ளார். இதுபற்றி தனுஷ் அளித்துள்ள பேட்டியில், காசி விஸ்வநாதர் கோவில் அமைந்துள்ள நகரை ரொம்ப விரும்புகிறேன். அமைதி, அழகு போன்றவற்றின் சொர்க்கமாக அது விளங்குகிறது. எனவே மீண்டும் அங்கு செல்வேன், என்று கூறியுள்ளார்.
No comments:
Post a Comment