ரிஷிவந்தியம் தொகுதியில் போட்டியிடும் தேமுதிக வேட்பாளர் விஜயகாந்துக்கு எதிராக விருத்தாசலம் தொகுதியை சேர்ந்த 30 இளைஞர்கள் தீவிர பிரச்சாரத்தில் ஈடுபட்டுள்ளனர்.
ரிஷிவந்தியம் தொகுதி திருக்கோவிலூர் ஒன்றியத்திற்கு உட்பட்ட ஜி.அரியூர், கீழத்தாழனூர், அம்மன்கொல்லைமேடு உள்ளிட்ட 15 கிராமங்களில் பிரச்சாரம் செய்தனர். விஜயகாந்துக்கு எதிரான வாசகங்கள் அடங்கிய அட்டைகளை கழுத்தில் தொங்க விட்டிருந்தனர்.
பிரச்சாரத்தில் அவர்கள் பேசியதாவது, விருத்தாசலத்தில் போட்டியிட்ட விஜயகாந்த், தொகுதியை சிங்கப்பூராக மாற்றுவேன் என்று சொல்லி வாக்கு கேட்டார். அதை நம்பி மக்களும் வாக்களித்து அவரை வெற்றி பெற வைத்தோம். ஆனால் 10 ஆண்டுகளுக்கு முன்பு விருத்தாசலம் எப்படி இருந்ததோ அப்படியேத்தான் இன்றும் இருக்கிறது.
இதுவரை தொகுதிக்கு 5 முறைதான் விஜயகாந்த் வந்துள்ளார். அவரை தொகுதி மக்கள் பார்ப்பது அரிது. சட்டசபையில் அவர் பேசிய நேரம் 33 நிமிடங்கள்தான். அப்போதுகூட மக்கள் பிரச்னையை எடுத்து வைக்கவில்லை.
மகளிர் கல்லூரி அமைப்பேன், தார்ச்சாலைகளை ரப்பர் சாலைகளாக மாற்றுவேன் என்று கூறினார். எதையும் செய்யவில்லை. நீங்கள் யாருக்கு வேண்டுமானாலும் வாக்களியுங்கள். ஆனால் விஜயகாந்த் பேச்சை நம்பி அவருக்கு வாக்களித்து ஏமாறாதீர்கள். ரிஷிவந்தியம் தொகுதியை குஷிவந்தியம் தொகுதியாக மாற்றப்போகிறாராம். விருத்தாசலம் மக்களை ஏமாற்றியது போதாதா? நாங்கள் செய்த தவறை நீங்கள் செய்துவிட்டு 5 ஆண்டுகால சிரமத்தை அனுபவிக்காதீர்கள் என்று பேசினார்கள்.
No comments:
Post a Comment