தெலுங்கில் முன்னணி நடிகராக வலம் வந்து கொண்டு இருக்கும் நடிகர் சிரஞ்சீவியின் மகன் ராம்சரண் தேஜா, கடந்த 2009ம் ஆண்டு நடித்து வெளியாகி மாபெரும் வெற்றி பெற்ற "மகதீரா" படம், தமிழில் "மாவீரன்" என்று பெயர் மாற்றம் செய்யப்பட்டு வருகிறது. இப்படத்தின் மூலம் தமிழில் ஹீரோவாக அறிமுகமாகிறார் ராம்சரண் தேஜா. பிரபல தெலுங்கு பட அதிபர் அல்லு அரவிந்த் 21 ஆண்டுகளுக்கு பிறகு இப்படத்தை மிகுந்த பொருட்ச் செலவில் தயாரிக்கிறார். தெலுங்கில் மரியாதை ராமன்னா,விக்ரமார்கடு போன்ற வெற்றி படங்களை தயாரித்த எஸ்.எஸ்.ராஜமவுலி இப்படத்தை இயக்குகிறார்.
தமிழில் நன்கு அறிமுகமான நடிகர் சிரஞ்சீவி தனது மகன் ராம்சரண் தேஜாவையும், தமிழில் அறிமுகப்படுத்தும் வகையில் மகதீரா படத்தை, மாவீரன் எனும் பெயர் மாற்றம் செய்து, தமிழக ரசிகர்களுக்கு ஏற்றாற் போல் எடுக்க சொல்லி இருக்கிறார். படத்தில் ராம்சரண் தேஜாவுக்கு ஜோடியாக காஜல் அகர்வால் நடிக்கிறார். இவர்களுடன் ஸ்ரீஹரி, தேவ்சிங், சரத்பாபு, சுனில், உள்ளிட்ட பலர் நடிக்கின்றனர். சிறப்பு தோற்றத்தில் சிரஞ்சீவி, கிம்சர்மா, மும்மைத்கான் நடிக்கின்றனர்.
சமீபத்தில் சிரஞ்சீவி, ராம்சரண்தேஜா, மும்மைத்கான் மற்றும் 500க்கும் மேற்பட்ட நடன கலைஞர்கள் பங்கேற்ற பாடல் காட்சி சென்னை துறைமுகத்தில் படமாக்கப்பட்டது. இப்படத்தின் சூட்டிங் சென்னை, பொள்ளாச்சி மற்றும் கேரளா பகுதிகளில் படமாக்கப்பட்டுள்ளது. படத்தின் பாடல்களை சோனி மியூசிக் இம்மாதம் வெளியிடுகிறது. மேலும் ரெட் ஜெயண்ட் மூவிஸ் சார்பில், உதயநிதி ஸ்டாலின் இப்படத்தை தமிழகமெங்கும் வெளியிடுகிறார் என்பது கூடுதல் தகவல்.
No comments:
Post a Comment