மக்கள் விரோத கூட்டணியில் விஜயகாந்த்: வாசன்

மக்களுடன்தான் கூட்டணி என்று கூறி வந்த விஜயகாந்த், தற்போது மக்கள் விரோத அதிமுகவுடன் கூட்டணி வைத்துள்ளார் என, மத்திய அமைச்சர் ஜி.கே.வாசன் பேசினார்.

திருச்செங்கோடு பகுதியில் பிரச்சாரம் மேற்கொண்ட மத்திய அமைச்சர் ஜி.கே.வாசன் பேசுகையில்,

ஏராளமான தொழிற்சாலைகளை கொண்டு வந்து, அதன் அடிப்படையில் பல

ஆயிரக்கணக்கான இளைஞர்களுக்கு வேலை வாய்ப்பு திமுக ஆட்சி ஏற்படுத்தியிருக்கிறது. ஆயிரக்கணக்கானோரின் அரசு வேலையை திமுக ஆட்சி உறுதி செய்திருக்கிறது.

இது ஒரு பக்கம் இருக்க, அதிமுக ஆட்சியில் ஒரு பேனா மையில் ஒரு லட்சத்து 72 ஆயிரம் அரசு ஊழியர்களை வீட்டுக்கு அனுப்பியது. இதை யாரும் மறந்து விடக் கூடாது. 10 ஆயிரம் சாலை பணியாளர்களை வேலை நீக்கம் செய்ததை யாரும் மறந்துவிடக் கூடாது.

மக்களுடன்தான் கூட்டணி என்று கூறி வந்த விஜயகாந்த், தற்போது மக்கள் விரோத அதிமுகவுடன் கூட்டணி வைத்துள்ளார் என்றார்.