விழியே பேசு...: கல்லூரி மாணவரை தாக்கிய அதிமுக வேட்பாளர்

விராலிமலை சட்டமன்ற தொகுதியில் அதிமுக வேட்பாளராக போட்டியிடுபவர் டாக்டர் விஜய பாஸ்கர். இவர் இலுப்பூர் கிராமத்தைச் சேர்ந்தவர். வெள்ளிக்கிழமை மதியம் இலுப்பூரில் உள்ள ஒரு பள்ளிவாசலில் ஓட்டு கேட்க சென்றார். தொழுகை நேரம் என்பதால், பள்ளிவாசலுக்கு உள்ளேயே சென்று, இஸ்லாமியர்களிடம் ஓட்டு சேகரித்துள்ளார்.

தேர்தல் விதிமுறைப்படி மத ஸ்தலங்களுக்குள் சென்று வாக்கு சேகரிக்கக் கூடாது என்ற விதிமுறை இருந்தும், அவர் உள்ளே சென்று வாக்கு சேகரித்துக்கொண்டிருந்தார். அப்போது புதுக்கோட்டை ஜெ.ஜெ. கல்லூரியில் படிக்கும் ஜெயச்சந்திரன் என்ற விசுவல் கம்யூனிகேசன் துறை மாணவர் ப்ராஜட்டுக்காக படம் எடுத்துள்ளார்.

இதை பார்த்த விஜய பாஸ்கர் மற்றும் அவரது ஆதரவாளர்கள் மாணவர் ஜெயச்சந்திரனின் கேமராவை பறித்து தண்ணீருக்குள் வீசியதுடன், மாணவரையும் தாக்கியுள்ளனர். தாக்கப்பட்ட மாணவர் ஜெயச்சந்திரன் அதிமுக வேட்பாளர் விஜய பாஸ்கர் மற்றும் அதிமுகவினர் மீது இலுப்பூர் காவல் நிலையத்தில் புகார் கொடுத்துவிட்டு, புதுக்கோட்டை அரசு மருத்துவ மனையில் சிகிச்சை பெற்று வருகிறார்.

இந்த நிலையில் இதே பள்ளி வாசலுக்கு வாக்கு சேகரிக்க வந்து நின்ற திமுக வேட்பாளர் ரகுபதி, மற்றும் ஒன்றிய செயலாளர் சந்திரன் மாணவர் ஜெயச்சந்திரன் மற்றும் திமுகவினர் தொழுகை நடந்துகொண்டிருந்தபோது, அத்துமீறி உள்ளே நுழைய முயன்றதால், இஸ்லாமியர்கள் தடுத்தும் உள்ளே செல்ல முயன்றபோது, அதனை தடுக்க வந்த எங்களை தாக்கியுள்ளதாக அதிமுக தரப்பினரும் புகார் கொடுத்துள்ளனர்.

இன்றைய செய்திகள் ...