தஞ்சாவூருக்கு இந்திய கம்யூனிஸ்ட் கட்சியின் மாநிலச் செயலர் தா.பாண்டியன் வந்தார். திருவாரூர் செல்லும் வழியில் தஞ்சையில் அவர் செய்தியாளர்களை சந்தித்தார்.
அப்போது அவர், ‘’தமிழகத்தில் சட்டசபை தேர்தலில், 234 தொகுதிகளுக்கும் சில நாட்களில் ஓட்டுப்பதிவு நடக்க உள்ளது.
கோவையில் கூட்டணி கட்சி சார்பில் கூட்டம் நடந்தது. அனைத்து கட்சித் தலைவர்களும் பங்கேற்றனர். தே.மு.தி.க., சார்பில் பண்ருட்டி ராமச்சந்திரன் பங்கேற்றார். பிரச்சனை, பிளவு ஏதுமில்லை.
இத்தேர்தலில் அ.தி.மு.க., ஆட்சியைப் பிடிக்கும்; அதை மாற்ற எந்த சக்தியாலும் முடியாது.தேர்தலில் ஓட்டுப்பதிவுக்கு சில நாட்களே உள்ளதால், தி.மு.க.,வினர் சமூக விரோதச் செயல்களில் ஈடுபடுவர்.
எனவே, காவல் துறையினர் விழிப்புடன் இருக்க வேண்டும். கூட்டணி கட்சியைச் சேர்ந்த இளைஞர்களும் சமூக விரோதச் செயல்களைத் தடுக்க முன்முயற்சியில் ஈடுபட வேண்டும்.
விஜயகாந்த் கூட்டத்தில் பங்கேற்காததால் மக்கள் மாற்றி ஓட்டு போட்டு விட மாட்டார்கள். அவருக்குப் பதில் தான் பண்ருட்டி ராமச்சந்திரன் பங்கேற்றார். எங்களுக்குள் எந்த பிரச்னையுமில்லை. அ.தி.மு.க., கூட்டணி அமோக வெற்றி பெறும்.
வரும் 10, 11ம் தேதி, வைகோ ஏதோ அறிவிப்பதாகக் கூறி வருகிறாரே?'' எனக் கேட்ட போது, முட்டை குஞ்சு பொரிக்கும் போது தான் அது கோழியா, சேவலா? எனத் தெரியும்; அப்போது பார்ப்போம், என்றார்.
No comments:
Post a Comment