இந்த தேர்தலை பொருத்தவரை தனது நியூட்ரல் நிலைப்பாட்டை அழுத்தமாக பதிவு செய்துவிட்டார் ரஜினி. முதலில் ஆயிரம் விளக்கு தொகுதியில் போட்டியிடும் திமுக வேட்பாளர் ஜின்னா, ரஜினியை நேரில் சந்தித்து சால்வை அணிவித்து அவரது வாழ்த்துக்களை பெற்றார். அடுத்த நாளே அத்தனை ஊடகங்களையும் இந்த செய்தி நிரப்பிவிட, ரஜினி திமுக பக்கம் என்று பேச ஆரம்பித்தார்கள் பலர்.
எனக்கும் உங்க ஆசி வேணும்... என்று ரஜினியின் வீட்டுக்கு அப்பாயின்ட்மென்ட் வாங்காமலே போய் கதவை தட்டினாராம் இதே தொகுதியில் ஜின்னாவை எதிர்த்து நிற்கும் அதிமுக வேட்பாளர் வளர்மதி. என்ன காரணத்தாலோ வாசலிலேயே நிற்க வைத்து திருப்பி அனுப்பப்பட்டார் அவர். ஆனால் இந்த புறக்கணிப்பு தனிப்பட்ட வளர்மதிக்குதானே தவிர, அதிமுக வுக்கு இல்லை என்பதை சொல்லாமல் சொல்ல நினைத்தார் ரஜினி.
இதற்கேற்றார் போல அவரது ஆசி வேண்டி போயஸ் கார்டன் வீட்டுக்கு போய் நின்றார் கொளத்து£ர் தொகுதி அதிமுக வேட்பாளரும் முன்னாள் அமைச்சருமான சைதை துரைசாமி. அவரை வாயார வரவேற்ற ரஜினி, மனதார ஒரு சால்வையை போர்த்தி வாழ்த்துக்களை தெரிவித்திருக்கிறார்.
No comments:
Post a Comment