திருவள்ளூர் தொகுதி பா.ஜ. வேட்பாளர் ஆர்.எம்.ஆர்.ஜானகி ராமனை ஆதரித்து முன்னாள் மாநில தலைவர் சி.பி.ராதாகிருஷ்ணன் திருவள்ளூரை அடுத்த மணவாளன்நகரில் பிரசாரம் செய்தார். அப்போது அவர் பேசியதாவது:
வாஜ்பாய் ஆட்சிக் காலத்தில்தான் நாடு முழுவதும் நான்குவழி சாலை கொண்டு வரப்பட்டு சிறப்பாக அமைக்கப்பட்டது. இதனால் விபத்துக்கள் பெருமளவு குறைந்துள்ளது. வாகன ஓட்டிகள் மகிழ்ச்சியாக உள்ளனர். தமிழகத்தில் விலைவாசி உயர்ந்துள்ளது. இதைக் குறைக்க அரசு எந்த நடவடிக்கையும் எடுக்க வில்லை.
நாடு முன்னேற வேண்டும் என்றால் உட்கட்டமைப்பு நன்றாக இருக்க வேண்டும். தமிழகத்தில் மின்சாரம் தட்டுப்பாடு உள்ளது. எவ்வளவு மின்சாரம் தேவை என்பதை அறிந்து மின் உற்பத்தியை பெருக்க நடவடிக்கை எடுக்க வேண்டும். தொழில்துறை மட்டுமல்லாமல் விவசாய வளர்ச்சியிலும் குஜராத் முன்னணியில் உள்ளது. இதற்காக முதல்வர் மோடி துரிதமான நடவடிக்கை மேற்கொண்டதால் விவசாயத்தில் 13 சதவிகிதம் வளர்ச்சி பெற்றுள்ளது.
தமிழகத்தில் ஆட்சி மாற்றம் தேவை என்பதற்காக அதிமுக கூட்டணிக்கு வாக்களித்தால் தடுமாற்றம் தான் ஏற்படும் என்றார்.
No comments:
Post a Comment