எதிர்க்கட்சிக்கு பூஜ்யம்: குஷ்பு

திருவாரூர் தொகுதியில் எதிர்கட்சியினருக்கு பூஜ்யத்தையும், திமுக தலைவருக்கு ராஜ்ஜியத்தையும் வாக்காளர்கள் வழங்கவேண்டும் என்று நடிகை குஷ்பு கூறினார்.

திருவாரூரில் நடந்த பிரசாரக்கூட்டத்தில் பேசிய நடிகை குஷ்பு,

75 ஆண்டுகளுக்கும் மேலாக பொது வாழ்வில் மக்களுக்காக உழைக்க கூடிய ஒரே தலைவர் கருணாநிதி மட்டுமே. நம்முடைய முதல்வரின் சிந்தனைகள் முழுவதும் ஏழைகளைப்பற்றியே உள்ளது. ஜெயலலிதாவுக்கு லட்சியம் என்பதே கிடையாது. கலைஞரை ஜெயலலிதாவுடன் ஒப்பிட்டு பேச வேண்டிய மோசமான நிலை தமிழகத்தில் ஏற்பட்டுள்ளது. கருணாநிதி மீண்டும் ஆட்சிக்கு வந்தால் எல்லா பெருமைகளும் திருவாரூருக்கு வந்து சேரும். வெளிநாட்டு பல்கலைக்கழகங்களில் படிக்கும் மாணவர்கள் முதல்வர் கரணா நிதியின் வாழ்க்கை வரலாற்றை படிக்கின்ற காலம் ஏற்படும். திருவாரூர் தொகுதியில் எதிர்கட்சியினருக்கு பூஜ்ஜியத்தையும், திமுக தலைவருக்கு ராஜ்ஜியத்தையும் வாக்காளர்கள் வழங்க வேண்டும் என்றார்.