காலனியை சேர்ந்தவர் முருகேசன் (வயது50). இவர் மதுரை கலெக்டர் அலுவலகத்தில் கார் டிரைவராக பணிபுரிந்து வந்தார். மதுரையில் கலெக்டர்களாக இருந்த சந்திரமோகன், ஜவகர், சீத்தாராமன், மதிவாணன் ஆகியோருக்கும் இவர்தான் டிவைராக இருந்தார்.
சில நேரங்களில் மதுரைக்கு வரும் மந்திரிகள் மற்றும் முக்கிய பிரமுகர்களின் கார்களை இவர் ஓட்டி செல்வது வழக்கம். சமீபத்தில் தேர்தல் பார்வையாளர்களின் கார் டிரைவராக இவர் நியமிக்கப்பட்டு இருந்தார்.
தேர்தல் பார்வையாளர் ஒருவருக்கு இவர் ஒரு நாள் மட்டும் டிரைவராக இருந்து அவர் சொல்லும் இடங்களுக்கு எல்லாம் காரை ஓட்டி வந்தார். நேற்று இரவு வீட்டில் இருந்து மோட்டார் சைக்கிளில் வெளியே சென்று வருவதாக புறப்பட்ட முருகேசன் மீண்டும் வீடு திரும்பவில்லை.
இன்று காலை அவரது குடும்பத்தினரும், உறவினர்களும் தேடினர். ஆனால் எங்கு தேடியும் முருகேசனை பற்றி எந்த தகவலும் கிடைக்கவில்லை. இந்த நிலையில் மதுரையை அடுத்த கள்ளந்திரி அருகே உள்ள 9-வது கால்வாயில் கழுத்து அறுக்கப்பட்டு உடல் முழுவதும் தீவைத்து எரிக்கப்பட்ட நிலையில் ஒரு ஆண் பிணம் கிடப்பதாக போலீசாருக்கு தகவல் கிடைத்தது.
சம்பவ இடத் திற்கு அப்பன்திருப்பதி போலீசார் விரைந்து சென்று அந்த பிணத்தை கைப்பற்றி விசாரணை நடத்தினர். அப்போது பிணமாக கிடந்தது காணாமல்போன கார் டிரைவர் முருகேசன் என்பது தெரியவந்தது.
முருகேசனை யாரே சிலர் கடத்தி சென்று கழுத்தை அறுத்து கொலை செய்து அடையாளம் தெரியாமல் இருப்பதற்காக பின்னர் பிணத்தை எரித்து இருப்பது தெரியவந்தது. கடந்த சில மாதங்களுக்கு முன்பு டி.ஆர்.ஓ. காலனியில் ஒரு மாணவன் கொலை செய்யப்பட்டான்.
இந்த கொலை வழக்கில் முருகேசனின் மகன் சுரேந்திரன் என்பவர் கைது செய்யப்பட்டார். அந்த கொலைக்கு பழிக்குப்பழி வாங்கும் வகையில் முருகேசன் எரித்து கொலை செய்யப்பட்டாரா? வேறு ஏதும் காரணமா? என்பது குறித்து போலீசார் விசாரணை நடத்தி வரு கிறார்கள். மர்மமான முறையில் கொலை செய்யப்பட்ட முருகேசன் கடந்த பல ஆண்டுகளாக மதுரையிலேயே பணிபுரிந்து வந்தார்.
இவரது மனைவி பெயர் சரஸ்வதி. இவர்களுக்கு சுரேந்திரன் தவிர ரமேஷ், சங்கர் என்ற மேலும் 2 மகன்கள் உண்டு.
No comments:
Post a Comment