பரத்திற்கு டும்...டும்...டும்...

ஷங்கரின் பாய்ஸ் படத்தில் ஐந்து நாயகர்களில் ஒருவராக அறிமுகானவர் நடிகர் பரத். அதனைத்தொடர்ந்து காதல் படத்தின் மூலம் பிரபல ஹீரோவானார். காதல் படத்தின் வெற்றி பரத்திற்கு நிறைய பட வாய்ப்புகளை பெற்று தந்தது. தொடர்ந்து வெயில், எம்(டன்) மகன், பழனி, நேபாளி உள்ளிட்ட பல படங்களில் நடித்துள்ளார். தற்போது முன்னணி நடிகராக இருக்கும் பரத்திற்கு விரைவில் திருமணம் நடைபெற இருக்கிறது.

தற்போது பரத் வானம் படத்தில் சிம்பு, அனுஷ்காவுடன் பிஸியாக நடித்து கொண்டு இருக்கிறார். மே மாதம் இப்படம் திரைக்கு வரும் என தெரிகிறது. இதுதவிர 555, திருத்தனி, யுவன் யுவாதி ஆகிய மூன்று படங்களும் இந்தாண்டுக்குள் ரிலீசாக இருக்கிறது. இதனிடையே சாலிகிராமத்தில் புதிதாக வீடு ஒன்றை கட்டி வருகிறார் பரத். இந்த வீட்டை முடித்த கை‌யோடு, தனது திருமணத்தையும் முடிக்க திட்டமிட்டு இருக்கிறார் பரத். இதற்காக பரத்திற்கு தீவிர பெண் வேட்டையில் ஈடுபட்டுள்ளனர் அவரது பெற்றோர். திருமணத்தை முடித்து புதுவீட்டில் குடியேறலாம் என்ற முடிவில் இருக்கிறார் பரத். அநேகமாக இந்தாண்டுக்குள் பரத்திற்கு திருமணம் நடைபெறும் எனத் தெரிகிறது.