விஜயகாந்த்திடம் அடிவாங்க ஜெ. தயாராக இல்லை: மு.க.அழகிரி

ஜெயலலிதாவும் விஜயகாந்த்தும் எப்போதும் இணைந்து பிரச்சாரம் மேற்கொள்ளமாட்டார்கள் என்று மத்திய அமைச்சர் மு.க.அழகிரி கூறியுள்ளார்.

மத்திய அமைச்சர் மு.க.அழகிரி மதுரையில் செய்தியாளர்களை சந்தித்தார். அப்போது, கோவையில் நடந்த அதிமுக கூட்டணி கட்சித தலைவர்கள் பங்கேற்கும் கூட்டத்தில் தேமுதிக தலைவர் விஜயகாந்த் பங்கேற்காகதது குறித்து செய்தியாளர்கள் கேள்வி எழுப்பினர்.

இதற்கு பதில் அளித்துப் பேசிய மத்திய அமைச்சர் மு.க.அழகிரி, இருவரும் இணைந்து பிரச்சாரம் மேற்கொள்ள மாட்டார்கள் என்று நான் ஏற்கனவே தெரிவித்திருந்தேன். விஜயகாந்த்திடம் அடிவாங்குவதற்கு ஜெயலலிதா தயாராக இல்லையென்பதால், கோவை கூட்டத்திற்கு விஜயகாந்த் முறையாக அழைக்கப்படவில்லை.

வேட்பாளரை விஜயகாந்த் அடிப்பதும், மேடையில் உளறுவதும் மக்கள் விரும்பவில்லை. திமுக அறிக்கை மக்களிடம் வரவேற்பை பெற்றுள்ளது. திமுக கூட்டணி அமோக வெற்றி பெறும் என்றார்.