மோனிகாவின் கிளாமருக்கு எதிர்ப்பு தெரிவித்த ரசிகர்கள்

குழந்தை நட்சத்திரமாக தமிழ் சினிமாவுக்குள் நுழைந்து, அழகி படம் மூலம் ரசிகர்களின் மனதை கொள்ளை கொண்டவர் நடிகை மோனிகா. நல்ல கதை, நல்ல கேரக்டர் என வாய்த்த மோனிகாவுக்கு, அடுத்தடுத்த படம் மட்டும் வாய்க்கவில்லை. அந்த நேரத்தில்தான் சிலந்தி படத்தில் நடித்தார். கவர்ச்சி நடிகைகளே ஏற்கத் தயங்கும் படு ஹாட்டான கேரக்டரில் கிளுகிளுவென நடித்திருந்தார் மோனிகா. அடுத்தடுத்து கிளாமர் பட வாய்ப்புகள் வாயிற்கதவை தட்டியதால் சற்று தடுமாறிய மோனிகா, இறுதி முடிவாக இனி கிளாமராக நடிக்க மாட்டேன், என்று கூறி வாய்ப்புகளையெல்லாம் மறுத்தார்.

சில ஆண்டுகள் இடைவெளிக்கு பிறகு அம்மணிக்கு சமீபத்தில் அடுத்தடுத்து முத்துக்கு முத்தாக, அன்ன மயில், நஞ்சுபுரம் என படங்கள் வெளியாயின. அதிலும் முத்துக்கு முத்தாக படம் மோனிகாவுக்கு நல்ல பெயர் வாங்கிக் கொடுத்திருக்கிறது என்றால் மிகையல்ல. தற்போது அகராதி, வர்ணம் ஆகிய படங்களில் ஹோம்லி வேடமேற்று நடித்துக் கொண்டிருக்கும் மோனிகா அளித்துள்ள பேட்டியில், பெரிய டைரக்டர்கள், ஹீரோக்கள் படங்களில் நடிக்க ஆசை இருக்கிறது. அழகி படத்துக்குப் பின் அந்த மாதிரியான நல்ல வாய்ப்பு அமையவில்லை என்றுதான் நினைக்கிறேன். தனி அடையாளத்தை தக்க வைக்கிற பக்குவம் சில காலம் என்னிடமும் இல்லை. ஆனால் இப்போது தெளிவு இருக்கிறது. அதேபோல கிளாமராக நடிக்க வேண்டும் என்பது என் ஆசை இல்லை. திடீரென ஒரு வாய்ப்பு. கதை பிடித்து எல்லோராலும் பேசப்படும் என்று முழுமையாக நம்பினேன். அந்த எதிர்பார்ப்பு நிறைவேறாமல் போனதில் சின்ன வருத்தம். தொடர்ந்து நிறைய வாய்ப்புகள். நடிக்கத்தான் விருப்பமில்லை. ஒரு பாடலுக்கு மட்டும் ஆடுங்கள் என்று கேட்கிறார்கள். ஒரு படத்தில் மட்டும் ஆடினேன். தொடர் மறுப்புகளால் இப்போது யாரும் கிளாமருக்கு நெருங்குவதில்லை. அதுக்குள்ளாகவே நிறைய கடிதங்கள், எஸ்.எம்.எஸ். என ரசிகர்கள் அனுப்பி என் கிளாமருக்கு வருத்தம் தெரிவித்தார்கள். ""நீங்க என் காதலி மாதிரி இருங்கீங்க தயவு செய்து கிளாமர் வேண்டாம் என ஒரு கடிதம் வந்தது. அது எனக்குப் பிடித்திருந்தது. நான் கிளாமராக நடிப்பது என் ரசிகர்களுக்கு படிக்கவில்லை. அதனால் இனி கிளாமராக நடிக்கவே மாட்டேன், என்று கூறியுள்ளார்.