முதலைக்கு பல் விளக்கப் போன கதையாகிவிட்டது எஸ்.ஏ.சி அரசியலில் நுழைந்த விஷயம்! கைய விட்டாலும் கடிக்கும். காலை எடுத்தாலும் கவ்வும் என்கிற மாதிரி சிக்கல் அது என்பதை சற்று தாமதமாகதான் புரிந்து கொண்டிருப்பார்.
மன்றத்திலிருந்து வெளியே வந்த அல்லது வெளியேற்றப்பட்ட மாநில தலைவர் ஜெயசீலனுக்கு ஒரு முக்கியமான அசைன்ட்மென்ட் கொடுக்கப்பட்டிருப்பதாக தகவல் கசிகிறது. அதன்படி தமிழகத்தில் இருக்கும் விஜய்யின் 47 ஆயிரம் ரசிகர் மன்றங்களில் பாதியையாவது கலைக்க வைக்க வேண்டும். அல்லது மன்றங்களையே இரண்டாக உடைக்க வேண்டும் என்பதுதான் அந்த அசைன்ட்மென்ட்டாம்.
மிக சொற்பமான சம்பளத்திற்கு விஜய்யிடம் வேலை செய்து கொண்டிருந்த ஜெயசீலன், தமிழகம் முழுக்க இருக்கிற மன்ற பொறுப்பாளர்களை சந்திக்கப் போகிறாராம். இதற்கான ரகசிய பேச்சு வார்த்தையை அவர் ஆரம்பித்துவிட்டதாகவும் கூறப்படுகிறது.
தேர்தலுக்கு பின் திடுக்கிடும் திருப்பங்கள் இருக்கலாமாம் மன்றத்தில்!
ம.தி.மு.க. கொள்கை பரப்பு செயலாளர் நாஞ்சில் சம்பத் பொள்ளாச்சியில் நிருபர்களுக்கு பேட்டி அளித்தார். அப்போது அவர் கூறியதாவது:-
ஒளிமயமான எதிர்காலத்தை நோக்கி ம.தி.மு.க.வின் பயணத்தை நாங்கள் இப்போதுதான் தொடங்கி இருக்கிறோம். இதுவரை வியர்வை பாசனம் செய்தோம். வெற்றி கிடைக்கவில்லை. இதுவரை ஆடை நெய்தோம் உடுத்த வில்லை. இது வரை உழுதோம் அறுவடை செய்ய வில்லை. இனிமேல் நாங்களே விதைப்போம். நாங்களே அறுவடை செய்வோம். இதுவரை மாற்று குறையாத சக்தியாக இருந்தோம். இனிமேல் மாற்று சக்தியாக உருவெடுப்போம்.
எங்கள் தோழர்கள் மனசாட்சிப்படி வாக்களிப்பார்கள் என்றால் எங்களை இழந்ததால் யாருக்காவது தேர்தல் இழப்பு ஏற்பட்டே தீரும். அதை இந்த தேர்தல் முடிவு உணர்த்தும். பாலையும், நீரையும் தனித்தனியாக பிரித்தெடுக்கும் அன்னப்பறவை போல பல தொண்டர்கள் வைகோ இயக்கத்தில் இருக்கின்றனர். ம.தி.மு.க.வில் தினமும் நூற்றுக்கணக்கான இளைஞர்களும், இணைந்து வருகின்றனர்.
விஜயகாந்த் ஒரு கட்சிக்கு தலைமை தாங்கவோ, நாட்டை வழி நடத்தவோ தகுதியற்றவர். அதை இந்த சட்டசபை தேர்தல் உணர்த்தும். மேற்கண்டவாறு நாஞ்சில் சம்பத் கூறினார்.
பேட்டியின் போது திருப்பூர் மாவட்ட ம.தி.மு.க. செயலாளர் ஆர்.மாரியப்பன், கோவை மாவட்ட செயலாளர் ஈஸ்வரன், பொள்ளாச்சி நகர செயலாளர் குகன்மில் செந்தில், முன்னாள் எம்.பி. கிருஷ்ணன் விவசாய அணி செயலாளர் வரதராஜன் ஆகியோர் உடன் இருந்தனர்.
No comments:
Post a Comment