விழியே பேசு...: தீர்ப்பு எழுதப்பட்டுவிட்டது : விஜயகாந்த்

Friday, April 8, 2011

தீர்ப்பு எழுதப்பட்டுவிட்டது : விஜயகாந்த்

தேமுதிக தலைவர் விஜயகாந்த் இன்று குறிஞ்சிப்பாடி தொகுதியில் போட்டியிடும் அதிமுக வேட்பாளர் சொரத்தூர் ராஜேந்திரனை ஆதரித்து வடலூர் மற்றும் குறிஞ்சிப்பாடியில் பிரச்சாரம் மேற்கொண்டார்.

அப்போது அவர், ‘’குறிஞ்சிப்பாடி தொகுதியில் அமைச்சர் எம்.ஆர்.கே.பன்னீர்செல்வத்தை எதிர்த்து அதிமுக வேட்பாளர் சொரத்தூர் ராஜேந்திரன் போட்டியிடுகிறார்.இந்த தொகுதியில் உள்ள மருத்துவ மனையில் மருந்துகளே இல்லை.

அமைச்சர் இருக்கும் இடத்திலேயே மருந்துகள் இல்லையென்றால் தமிழகம் முழுவதுமுள்ள மருத்துவமனைகளில் எப்படி மருந்துகள் இருக்கும்.

திமுகவும் காங்கிரசும் சேர்ந்து ஊழல் செய்கிறது. தற்போது ஊழலை எதிர்த்து சமூக சேவர் அன்னா ஹசாரே டெல்லியில் உண்ணாவிரதம் இருந்து வருகிறார்.நேற்றைய தினம் சிந்தாதிரிப்பேட்டையில் நடந்த பொதுக்கூட்டத்தில் கருணாநிதி பேசும்போது, சிந்தாதிரிப் பேட்டையில் நான் பேசிவிட்டு சென்றால் வெற்றி நிச்சயம் என்று கூறியிருக்கிறார்.நீங்கள் எங்கே பேசினாலும் உங்களுக்கு தீர்ப்பு எழுதப்பட்டுவிட்டது. திமுக ஆட்சி நிச்சயம் கவிழும் என்பதில் மாற்று கருத்து இல்லை.

கடந்த 5 ஆண்டு கால திமுக ஆட்சியில் விலைவாசி அதிகமாக உயர்ந்து விட்டது. எம்ஜிஆர் நடித்த அலிபாபாவும் 40 திருடர்களும் படத்தில் 40 திருடர்கள் கொள்ளை அடித்து வைத்திருந்த பொருட்களை அலிபாபா எடுத்து மக்களுக்கு கொடுப்பார். ஆனால் கலைஞருடன் 400 திருடர்கள் இருக்கின்றனர். இந்த 400 திருடர்களும் மக்களிடம் கொள்ளை அடிக்கின்றனர்.

உலக கோப்பை கிரிக்கெட் போட்டியில் கடைசி போட்டியாக இந்தியா இலங்கை விளையாடியது. இதில் இலங்கை அணி நமது எதிரி நாட்டு அணியாகும். தமிழர் இனத்தையே கூண்டோடு அழித்த இலங்கையை இந்திய அணி வீழ்த்தியது. அதேபோல் திமுக கூட்டணியை வீழ்த்தி அதிமுக கூட்டணியை வெற்றி பெறச் செய்ய வேண்டும்.

இத் தொகுதியில் நெசவாளர் பிரச்சனை அதிகமாக உள்ளது. உங்களின் பிரச்சனை இதுவரை தீர்க்கப்படவில்லை. நிச்சயமாக சொல்கிறேன் அதிமுக பொதுச்செயலாளர் ஜெயலலிதா முதல்வராக அமர்ந்தவுடன் நெசவாளர்களின் பிரச்சனைகளை நிச்சயம் தீர்த்து வைப்பார்.

இந்த தேர்தலில் அதிமுக கூட்டணி கூணி வேட்பாளர்களுக்கு வாக்களித்து வெற்றி பெற செய்ய வேண்டும் என்று உங்களை வேண்டி கேட்டுக்கொள்கிறேன்’’ என்றூ ’’ என்றூர் பேசினார்.

இன்றைய செய்திகள் ...