தாமரை இலை தண்ணீர் போல அதிமுக: திருமா

எதிர் அணியினர் தாமரை இலை தண்ணீரும் போல உள்ளனர் என, திருமாவளவன் கூறினார்.

கும்பகோணத்தில் செய்தியாளர்களிடம் பேசிய விடுதலை சிறுத்தைகள் கட்சி தலைவர் தொல்.திருமாவளவன்,

கலைஞர் இதுவரை மக்களுக்கு செய்த திட்டங்களுக்கும், செய்யபோகும் திட்டங்களுக்கும் மக்கள் மிகுந்த உற்சாகத்துடன் வரவேற்பு அளிக்கிறார்கள். இதனால் தி.மு.க. கூட்டணி அமோக வெற்றி

பெறும். எதிர் அணியினர் தாமரை இலை தண்ணீரும் போல உள்ளனர். ஒருவரை ஒருவர் பார்த்துக் கொள்ளாமல் இருக்கிறார்கள்.

கோவையில் நடந்த தேர்தல் பிரசாரத்துக்கு விஜயகாந்த் செல்லவில்லை. இதுவே அவர்கள் கூட்டணி எவ்வாறு இருக்கிறது என்பதுபற்றி தெரிகிறது. தேர்தல் ஆணையம் ஒருதலைபட்சமாக நடந்து கொள்கிறது என்றார்.