இதைப் பார்த்ததால் எனக்கு ராத்திரியில் தூக்கமில்லை

கருப்பு எம்ஜிஆர் என்று விஜயகாந்த் கூறிகொள்வதற்கு எதிராக எம்ஜிஆர் ரசிகர்கள் போராட்டத்தில் ஈடுபட வேண்டும் என்று நடிகர் வடிவேலு கேட்டுக்கொண்டுள்ளார்.

கரூர் மாவட்டத்தில் நடிகர் வடிவேலு பிரச்சாரம் மேற்கொண்டார். அப்போது பள்ளப்பட்டியில் திமுக வேட்பாளர் கே.சி.பழனிச்சாமியை ஆதரித்துப் பேசுகையில்,

நலதிட்டங்கள் மூலமாக, இலவச திட்டங்கள் மூலமாக கலைஞர் அய்யா மக்களை சிரிக்க வைக்கிறார். இந்த கூட்டத்தை பார்க்கும் போது கலைஞரின் திட்டங்கள் மக்களை சென்றடைந்ததை உணர முடிகியது. உன்னை (விஜயகாந்த்) சினிமாக்கு கூட்டி வந்து, வாழ வைத்து, நடிகனாக உருவாக்கி, உன்னால் சொத்தை எல்லாம் விற்ற அண்ணன் இப்ராகிம் ராவுத்தருக்கு நீ என்ன செஞ்ச.

ஒருவரின் பொருளை திருடுவது அல்லது அவரின் புகழை திருடுவது ஆகிய இரண்டுமே குற்றம். எம்ஜிஆர் எவ்வளவு பெரிய தலைவர். அவர் புகழை திருடி கருப்பு எம்ஜிஆர் என்று கூறிகொள்ளுவதும் குற்றம். நீ 150 படத்துல நடித்திருக்கிறாய். அதில் இருந்து ஒரு பாட்டை போடு.

அதைவிட்டுவிட்டு 'நீங்க நல்லா இருக்கணும் நாடு முன்னேற' என்ற எம்ஜிஆர் பாட்டை ஏன் போடுற. இன்னொரு கொடுமை. இதைப் பார்த்ததால் எனக்கு ராத்திரியில் தூக்கமில்லை. எம்ஜிஆர் உருவம் தெரியுது. அது அப்படியே மறைந்து இந்த குடிகாரன் முகம் தெரியுது. இதை எல்லாம் உண்மையான எம்ஜிஆர் ரசிகர்கள் கண்டிக்க வேண்டும். விஜயகாந்த்துக்கு எதிராக போராட்டம் நடத்த வேண்டும். உண்மையான அதிமுக தொண்டர்கள் கண்டிக்க வேண்டும்.

வேட்பாளரை அடித்த விஜயகாந்த்தை 41 வேட்பாளர்களும் சேர்ந்து அடிக்கும் காலம் வரும். விஜயகாந்த் கட்சி நடத்தவில்லை. கடை நடத்தி வருமானம் பெருக்குகிறார். தேமுதிக தொண்டர்கள் அக்கட்சியில் இருந்து விலக வேண்டும் என்றார்.