மக்கள் தொகையை கணக்கெடுக்கப் போகிறாராம் ஷகீலா!

கடந்த சில ஆண்டுகளுக்கு முன்பு வரை மலையாள படங்கள் மூலம் இளைஞர்களின் தூக்கத்தை கெடுத்த கிளுகிளுப்பு நாயகி ஷகீலா மீண்டும் மலையாளப் படம் ஒன்றில் நடிக்கிறார். தேஜா பாய் மற்றும் குடும்பத்தினர் என்று பெயரிடப்பட்டுள்ள இப்படத்தை டைரக்டர் திப்பு கருணாகரன் இயக்குகிறார். ஆனந்தா விஷன் சார்பில் சாந்தா முரளி தயாரிக்கிறார். படத்தின் நாயகனாக பிருத்வி ராஜ் நடிக்க, அவருக்கு ஜோடியாக நடிகை அகிலா சசிதரன் நடிக்கிறார். நடிகர் பிருத்வி ராஜ் தாதாவாக நடிக்கிறார். முதல் கட்ட சூட்டிங் திருவனந்தபுரத்தில் முடிந்துள்ள நிலையில், அடுத்தகட்ட சூட்டிங்கையும் திருவனந்தபுரத்திலேயே நடத்த திட்டமிட்டிருக்கிறார் டைரக்டர் திப்பு. கதைப்படி, ஷகீலாவுக்கு மக்கள் ‌தொகை கணக்கெடுக்கும் பணியாம். அவர் எப்படியெல்லாம் கணக்கெடுக்கிறார், என்பதை காமெடியாகவும், கலர்ஃபுல்லாகவும் காட்டப் போகிறார்களாம் தேஜா பாய் படத்தில்!