வடிவேலுவை வேட்டி கட்டி நடிக்க வைத்ததே விஜயகாந்த் தான்: சிங்கமுத்து

"நடிகர் வடிவேலுவை முதன் முதலில் வேட்டி கட்டி நடிக்க வைத்ததே விஜயகாந்த் தான். தற்போது அவரையே திட்டி பேசுகிறார், என்று நடிகர் சிங்கமுத்து பேசினார்.

திருமங்கலம், செக்கானூரணி பகுதிகளில் அ.தி.மு.க., கூட்டணிக்கு ஆதரவாக அவர் பேசுகையில், ""வடிவேலுவை குளிக்க வைத்து, முதன் முதலில் வேட்டி கட்டி நடிக்க வைத்ததே விஜயகாந்த் தான். நாங்கள் தான் அவரை உருவாக்கினோம். அதை மறந்து விட்டு, விஜயகாந்தை அவன், இவன் என்று பேசுகிறார். குஷ்புவிற்கு ஜெயலலிதா குறித்து பேச என்ன தகுதி உள்ளது. தற்போது மக்கள் சிந்தித்து முடிவெடுக்கும் நிலைக்கு வந்துள்ளனர். ஊழல், விலைவாசியை மனதில் கொண்டு ஓட்டளிக்க வேண்டும், என்றார்.