மங்காத்தாவை விட அதிகம் !

அஜீத் நடிப்பில் அடுத்து வெளிவர இருக்கும் படம் 'பில்லா 2'. இப்படத்தின் LOGO மட்டுமே முதலில் வெளியானது; படத்தில் அஜீத்தின் கெட்டப் எதுவுமே வெளியாகவில்லை.

பொங்கல் தினத்தன்று அஜீத்தின் புகைப்படத்தோடு விளம்பரம் வெளியானது. அஜீத் ரசிகர்களிடையே அவ்விளம்பரத்திற்கு வரவேற்பு கிடைத்தது. குறிப்பாக "EVERY MAN HAS A PAST.. EVERY DON HAS A HISTORY" என்ற வார்த்தைகள் ரசிகர்களிடையே படத்திற்கான எதிர்ப்பார்ப்பை அதிகப்படுத்தி இருக்கிறது.

'பில்லா' படத்திற்கு இசையமைத்த யுவன் சங்கர் ராஜா தான் 'பில்லா 2' படத்திற்கும் இசையமைக்கிறார். படத்தில் வரும் முதல் பாடல் மட்டும்  இன்னும் தயாராகவில்லையாம். மற்ற பாடல்கள் அனைத்தையும் முடித்து கொடுத்து விட்டாராம் யுவன்.

'பில்லா' படத்தில் இடம்பெற்ற TITLE TRACK போலவே 'பில்லா 2' படத்தில் இடம்பெற இருக்கும் பாடலும் வித்தியாசமாக இருக்க வேண்டும் என்று அதிகம் மெனக்கெட்டு வருகிறாராம் யுவன். இப்பாடலுக்கு யார் நடனம் அமைப்பது என்பதில் கடும் போட்டி நிலவி வருகிறது.

மேலும் 'பில்லா-2 ' படத்தினை 'மங்காத்தா' படத்தினை விட சுமார் 30% அதிகமாக விற்று இருக்கிறார்கள். இதுவரை இல்லாத அளவிற்கு அஜீத்தின் 'பில்லா 2' விற்பனையாகி இருப்பது படக்குழுவினரை மேலும் உற்சாகப்படுத்தி இருக்கிறது.