நடிப்பை தொடரும் எம்.எல்.ஏ மனைவி
கருணாஸ் ஜோடியாக ‘அம்பாசமுத்திரம் அம்பானி’ படத்தில் நடித்து வருகிறார் நவ்னீத் கவுர், மராட்டிய மாநிலம் அமராவதி மாவட்டத்தில் உள்ள பத்னேரா தொகுதி சுயேச்சை எம்.எல்.ஏ ரவி ரானாவை திருமணம் செய்தார். இதனையடுத்து செய்தியாளர்களை சந்தித்த நவ்னீத் கவுர் திருமணத்துக்குப் பிறகும் தொடர்ந்து நடிப்பை தொடரும் ஐடியாவில் இருப்பதாக கூறினார்.
மீண்டும் ஷூட்டிங் தொடங்கிய ‘திருத்தணி’
பரத், சுனேனா, ராஜ்கிரண் நடிக்கும் படம் ‘திருத்தணி’. பாஸ்கர் தயாரிக்கிறார். படத்தை இயக்கும் பேரரசு இயக்குகிறார். சில மாதங்களுக்கு முன்பு சில காரணங்களால் படத்தின் ஷூட்டிங் நிறுத்தப்பட்டது. இந்நிலையில், நிறுத்தப்பட்ட 'திருத்தணி' பட ஷூட்டிங் மீண்டும் தொடங்கிவிட்டது. பரத் இதில் ஜிம் மாஸ்டராக வருகிறார். மேலும், ‘திருத்தணி’ படத்துக்கு 40 டிரான்ஸ்பார்மர் செட் அமைத்து சண்டைக்காட்சி படமாக்கப்பட்டுள்ளது.
'ஆடு புலி' இம்மாதம் ரிலீஸ்
அய்யனார் படத்தைத் தொடர்ந்து அரவானில் பிஸியாக இருக்கும் ஆதியின் மற்றுமொரு படம் 'ஆடு புலி'. ஆக்ஷன் படமான இதனை மைக்கேல் ராயப்பன் தயாரித்துள்ளார். படத்தை பாக்யராஜின் முன்னாள் அசிஸ்டெண்ட் விஜய் பிரகாஷ் இயக்கியுள்ளார். சுந்தர் சி.பாபு இசையமைக்கும் இந்தப் படத்தில் ஆதி ஜோடியாக பூர்ணா நடிக்கிறார். இளைய திலகம் பிரபு முக்கிய கதாபாத்திரத்தில் நடித்துள்ளார். 'ஆடு புலி', இம்மாதம் ரிலீசாக உள்ளது.
No comments:
Post a Comment