மணிரத்னம் இயக்கத்தில் சச்சின்!

மாற்று திறனாளிகளுக்கு உதவும் வகையில் குறும்படம் ஒன்றில் நடிக்க இருக்கிறார் சச்சின் டெண்டுல்கர்.

அப்படத்தை இயக்கப் போகிறார் மணிரத்னம். ஏ.ஆர்.ரஹ்மான் இசையமைக்க இருக்கிறார். மாற்று திறனாளிகளுக்கு உதவும் வகையில் இம்மூன்று பேரும் இணைந்து இருப்பது குறிப்பிடத்தக்கது.

இந்நிலையில் பொன்னியின் செல்வன் பட வேலைகள், குறும்படம் இயக்கம் என பிஸியாக இருக்கும் மணிரத்னம் நேற்று சந்தோஷ் சிவன் இயக்கியிருக்கும் உருமி படத்தை படத்தை பார்த்து இருக்கிறார்.

உருமி படத்தை பார்த்துவிட்டு மணிரத்னம், சந்தோஷ் சிவனுக்கு போன் செய்து வெகுவாக பாராட்டி இருக்கிறார். போனில் பாராட்டியது மட்டும் அல்லாமல் சிறிது நேரம் கழித்து " உருமி  ஒரு சிறந்த பொழுதுபோக்கு படம். படத்தில்  எல்லோரும் நன்றாக நடித்து இருக்கிறார்கள். 'உருமி' ஒரு சந்தோஷ் மேஜிக்" என்று எஸ்.எம்.எஸ் செய்து இருக்கிறார்.