விழியே பேசு...: ரஜினிகாந்த் குணமடைய ரசிகர் தீச்சட்டி ஏந்தி ஊர்வலம்

நடிகர் ரஜினிகாந்த் சென்னை இசபெல்லா மருத்துவமனையில் சிகிச்சை பெற்று வருகிறார்.

இதையடுத்து ரசிகர்கள் ரஜினி பூரண குணமடைய வேண்டி கோவிலில் சிறப்பு வழிபாடு, பிரார்த்தனை செய்து வருகின்றனர்.

இதேபோல் திருச்சி ஸ்ரீரங்கம் ராஜகோபுரம் அருகேயுள்ள முனீஸ்வரர் கோவிலில் இருந்து இன்று காலை திருச்சி மாவட்ட ரஜினி ரசிகர் மன்ற அமைப்பாளர் ‘ராயல் ராஜ்’ தீச்சட்டி ஏந்தி ஊர்வலமாக சென்றார்.

உடல் முழுவதும் நட்சத்திர வடிவமைப்பில் 10-க்கும் மேற்பட்ட தீச்சட்டிகளை ஏந்திகொண்டு அவர் சுமார் 1 கிலோ மீட்டர் தூரம் ஊர்வலமாக முருகன் கோவில் வரை சென்றார்.

இதில் ஏராளமான ரஜினி ரசிகர்களும் உடன் சென்றனர். இதேபோல் ஸ்ரீரங்கம் ராகவேந்திரா கோவிலில் ரஜினி உடல் நலமடைய வேண்டி திருச்சி மாவட்ட தலைவர் கர்ணன் தலைமையில் வெள்ளி ரதம் இழுக்கப்பட்டது.

நிகழ்ச்சியில் ரசிகர் மன்ற நிர்வாகிகள் ஆர்.கே.எஸ்.ராஜா, ரஜினி சிவா, தென்னூர் உதயா, நாசர், ஸ்ரீரங்கம் திலீப்ரமேஷ், ரஞ்சித்குமார் உள்பட 50-க்கும் மேற்பட்டோர் கலந்து கொண்டனர்.

இன்றைய செய்திகள்....