தமிழில் வெளியாகி வசூலை வாரிக்குவித்த காஞ்சனா படத்தை கன்னடத்தில் பிரபல தயாரிப்பாளரும், டைரக்டருமான ராம.நாராயணன் இயக்கவுள்ளார். டான்ஸ் மாஸ்டர் லாரன்ஸ் ஹீரோவாக நடித்து, இயக்கிய படம் காஞ்சனா. முழுக்க முழுக்க காமெடியாகவும், திகிலாகவும் ரசிகர்களை கவர்ந்த இந்த படத்தில் லட்சுமிராய், தேவதர்ஷினி, ஸ்ரீமன் கோவை சரளா ஆகியோரும் நடித்திருந்தனர். வசூல் ரீதியாக மிகப்பெரிய வெற்றியை பெற்ற இப்படத்தை கல்பனா என்ற பெயரில் கன்னடத்தில் எடுக்க உள்ளனர்.
கன்னட காஞ்சனாவில் ஹீரோவாக உபேந்திரா நடிக்கவுள்ளார். லட்சுமிராய் நடித்த வேடத்தில் அவரே நடிக்கிறார். படத்தை ராம.நாராயணன் இயக்க உள்ளார். தமிழ், தெலுங்கு, மலையாளம், கன்னடம், இந்தி, ஒரியா, மராத்தி, குஜராத்தி என இந்திய மொழிகள் அனைத்திலும் படங்களை இயக்கியுள்ள ராம.நாராயணன் தனது 120வது படமாக, கல்பனாவை இயக்குகிறார் என்பது குறிப்பிடத்தக்கது.
No comments:
Post a Comment