இந்திக்குப் போகிறது 'போராளி'!

சசிகுமார் நடிப்பில், சமுத்திரக்கனி இயக்கத்தில் உருவாகி, விமர்சகர்கள் மத்தியில் பாராட்டையும் ரசிகர்களின் வரவேற்பையும் பெற்ற போராளி படம், அடுத்து இந்திக்குப் போகிறது.

இந்தப் படம் இந்தியில் உருவாக உதவி செய்பவர் பிரபல 'ரீமேக் மாஸ்டர்' ப்ரியதர்ஷன்தான்.

சமுத்திரக் கனி - சசிகுமார் கூட்டணியில் ஏற்கெனவே வந்த நாடோடிகள் வெற்றிப் படத்தை இப்போது ப்ரியதர்ஷன் இந்தியில் எடுத்து வருகிறார். சமீபத்தில் ரிலீசான போராளி படத்தை தனது திரையரங்கில் பார்த்த ப்ரியதர்ஷன், இந்தியில் இந்தப் படம் சிறப்பாக வரும் என்று கருத்து கூறியுள்ளார்.

இந்தியில் சமுத்திரக்கனியே இயக்கட்டும் என்றும் அதற்கான உதவிகளைச் செய்வதாகவும் அவர் தெரிவித்துள்ளார். போராளி படத்தின் இந்தி ஸ்க்ரிப்டை மட்டும் ப்ரியதர்ஷன் இயக்குகிறார்.

பொருத்தமான நடிகர்களைத் தேர்வு செய்யும் வேலையில் மும்முரமாக உள்ளனர் சமுத்திரக் கனியும் ப்ரியதர்ஷனும்.