கூவத்துடனா கூட்டணி வைக்க முடியும்? விஜயகாந்த்

செங்கல்பட்டில் செங்கல்பட்டு தொகுதியின் தே.மு.தி.க. வேட்பாளர் அனகை முருகேசனை ஆதரித்து விஜயகாந்த் பிரசாரம் செய்தார்.

அப்போது பேசிய விஜயகாந்த், நான் இப்பவும் சொல்றேன் மக்களோடும், தெய்வத்தோடும் தான் கூட்டணி வைத்துள்ளேன். பணத்திற்கு ஆசைப்பட்டு கூவத்துடனா கூட்டணி வைக்க முடியும்? நான் நேசித்த கட்சியுடன் கூட்டணி வைத்துள்ளேன்.

ஓட்டுப்போட காசு கொடுத்தால் வேண்டாம் என்று சொல்லாதீங்க. அதை வாங்கி கொண்டு அவங்களுக்கு ஆப்பு வையுங்க. தே.மு.தி.க.வினர், அ.தி.மு.க.வினர் ஒத்துப்போகவில்லை என்று சொல்லக் கூடாது. அவர்களுடன் ஒத்துப்போக வேண்டும் என்றார்.

பின்னர் கூடுவாஞ்சேரி கூட்ரோடு அருகே விஜயகாந்த் முரசு சின்னத்திற்கு வாக்கு சேகரித்து பிரசாரம் செய்தார்.

அப்போது பேசிய விஜயகாந்த்,

அ.தி.மு.க கூட்டணிக்கு செல்லும் போது நான் துணை முதல் அமைச்சர் பதவியோ அல்லது ஆட்சியில் பங்கோ கேட்டு கூட்டணி அமைக்கவில்லை. மக்கள் ஆதரவுடன் தான் இந்த கூட்டணி அமைத்து உள்ளேன். எனவே கூட்டணியில் உள்ள அனைத்து கட்சி நிர்வாகிகளும் கடுமையாக உழைக்க வேண்டும் என்றார்.