உயிரோட்டமான அய்யன்

வடிவேலுவுடன் வம்புசண்டைக்கு ஆளான சிங்கமுத்துவின் வாரிசு வாசன் நாயகராக நடிக்கும் இரண்டாவது படம் "அய்யன்".

"மாமதுரை" படத்தில் கதாநாயகராக அறிமுகமாகி அப்பாவிற்கு தப்பாத பிள்ளை என பெயரெடுத்த வாசனுக்கு, அய்யன் படத்தில் வீரமிக்க முனியசாமி எனும் பாத்திரமாம். இவருக்கு ஜோடியாக அரிய செல்வி எனும் பாத்திரத்தில் திவ்யா பத்மினி எனும் புதுமுகம் நடிக்கிறார். வாசன்-திவ்யா பத்மினி ஜோடியுடன் பிதாமகன் மகாதேவன், சண்முகராஜன், சேரன்ராஜ், பரணி, கஞ்சாகருப்பு, பெரியார்தாசன், ஆதிசங்கர், விஜய்கணேஷ், உள்ளிட்டவர்களுடன் சிங்கமுத்துவும் முக்கியமான காமெடி டிராக்கில் நடிக்கிறாராம்.

அய்யன் ஒரு கிராமத்து காதலையும், அந்த காதலால் ஏற்படுகிற ஒரு சமூக பிரச்சனையும் சொல்லுகிறபடம். சாதாரண ஊதாரியாக திரிந்த ஒரு இளைஞன் கடைசியில் ஊர் காவல் தெய்வமான அய்யனாக எப்படி மாறுகிறான் என்பதுதான் படத்தின் கதை... எனும் இயக்குநர் ஏ.ஆர்.கேந்திரன் முனியசாமி, இப்படத்திற்கு இளையராஜாவின் இசைதான் பெரிய பலம் என்கிறார். கூடவே எல்லோரும் சொல்வதுபோல்... என் வாழ்க்கையில் நடந்த உண்மை சம்பவம்னு சொல்ல விரும்பவில்லை. நித்தம் நம் வாழ்க்கையில் நடக்கிற உயிரோட்டமான சம்பவம் தான் அய்யன் என்கிறார், இயக்குநர் கேந்திரன் முனியசாமி! அதையும் பார்ப்போம்!